სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    ელზა წიკლაური
    11.07.2013

    მსოფლიო ეკონომიკის ზრდის საპროგნოზო მაჩვენებელი, შესაძლოა, კიდევ შემცირდეს. ცნობილია, რომ პრობლემა ექმნება ევროპას, მათ შორის, იტალიას. საიმედო სიტუაციაში არ არიან არც ევროპის სხვა ქვეყნები, თურქეთს კი, "გეზი" პარკის მოვლენების გამო, მსოფლიო ბანკმა ეკონომიკური ზრდის საპროგნოზი მაჩვენებელი 4%-დან 3,6%-მდე შეუმცირა.

    თიკო ოსმანოვა
    11.07.2013

    სპეციალურად "რეზონანსისთვის" გურჯაანიდან

    წვიმებისა და სეტყვის მიუხედავად, წლეულს კახელები ატმის მოსავალს არ უჩივიან, თუმცა ამჯერად პრობლემა რეალიცაზიაშია. ადგილობრივები ამბობნენ რომ ხილს ჩალის ფასი დაადეს, თუმცა გასაღებას მაინც ვერ ახერხებენ. გლეხები მთავრობას დახმარებას სთხოვენ. ადგილობრივი ხელისუფლება კი პრობლემის მოგვარების პირობას დებს.

    ელზა წიკლაური
    10.07.2013

    წინა ხელისუფლების ანალოგიურად, ტურისტების მოზღვავებას მოქმედი მთავრობაც ელოდება. ტურიზმის ეროვნული სააგენტოს პროგნოზით, წლის ბოლომდე ქვეყანაში 5,5 მილიონი უცხოელი ვიზიტორი შემოვა, საიდანაც 57%, ანუ დაახლოებით 3,2 მილიონი უშუალოდ ტურისტი იქნება. მომატებული ტურისტების ფონზე კი ქვეყანაში უკვე სასტუმროების დეფიციტიც შეიქმნა, საქართველოს ყველა რეგიონში სასტუმროს ნომრები თითქმის მთელი სეზონის განმავლობაში უკვე დაჯავშნულია.

    მაკა ხარაზიშვილი
    09.07.2013

    ანაკლიის პორტი აღარ აშენდება, სუფსაში კი მშენებლობას შემოდგომისთვის შეუდგებიან. მეორე საკითხია - სჭირდება თუ არა ქვეყანას ახალი პორტები, როდესაც სრულად დატვირთული არცერთი მათგანია. შემცირებულია ტვირთბრუნვა რკინიგზაში, რომელმაც ტვირთი საქართველოს პორტებამდე უნდა მიიტანოს.

    მაკა ხარაზიშვილი
    09.07.2013

    ახალი ხელისუფლების პერიოდში 3%-იანი აგროკრედიტი 81 საწარმოს მშენებლობაზე გაიცა. აქედან 3 გადამამუშავებელი საწარმო გაიხსნება - გორში, ახალციხესა და ზუგდიდში. ყველაზე მეტი სესხი მეფრინველეობის ფაბრიკებსა და ფერმებზეა გაცემული. ნაციონალურ მოძრაობას საწარმოების აშენების არ სჯერა და ხელისუფლებისგან თუნდაც ერთი საწარმოს მშენებლობის ჩვენებას ითხოვენ. პრემიერი ბიძინა ივანიშვილი კი სესხებზე მასშტაბური მოთხოვნების გათვალისწინებით საზოგადოებას წლის ბოლომდე დაგეგმილი 60 საწარმოს ნაცვლად, 100 საწარმოს დაფინანებას ჰპირდება.

    ელზა წიკლაური
    09.07.2013

    საკვებ პროდუქტსა და პირველადი მოხმარების საგნებზე ფასები 2008 წლის ნიშნულს უბრუნდება, შესაბამისად, ბოლო 5 წლის განმავლობაში გაძვირებული პროდუქტი დღეს ისევ იაფდება. ხორცი, ბურღულეული, შაქარი, პურის ფქვილი თუ სხვა საკვები პროდუქტების ფასი, 2009-12 წლებთან შედარებით, დაახლოებით 30-40%-ითააა შემცირებული.

    მაკა ხარაზიშვილი
    09.07.2013

    რამდენიმე დღეში პარლამენტი "სასოფლო-სამეურნეო კოოპერატივების შესახებ" კანონპროექტს მესამე მოსმენით კენჭს უყრის. სექტემბრიდან სტარტს აიღებს ევროკავშირის 15 მილიონი ევროს ღირებულების საგრანტო პროგრამა, რომელმაც კანონის ეფექტურ მოქმედებასა და კოოპერატივების შექმნას უნდა შეუწყოს ხელი. პირველი სასოფლო-სამეურნეო კოოპერატივი კი 2014 წელს შეიქმნება.

    მაია აბაიაძე
    08.07.2013

    თამბაქოს საწინააღმდეგო კამპანიის ფარგლებში სექტემბრიდან ფილტრიან სიგარეტზე სააქციზო გადასახადი 15 თეთრით იზრდება, უფილტროზე კი 5 თეთრით. ამ ცვლილებამ დიდი აჟიოტაჟი გამოიწვია, მეწარმეები შიშობენ, რომ თამბაქოს გაძვირება კონტრაბანდის ზრდას გამოიწვევს, ხოლო მოსახლეობა დაბალფასიან და უხარისხო სიგარეტზე გადავა, შესაძლოა, შემოსავალი შემცირდეს რესტორნებსა და ბარებში.

    ელზა წიკლაური
    06.07.2013

     ნაციონალური მოძრაობა ისევ ეკონომიკურ კრიზისზე ალაპარაკდა. ამჯერად საქმე ეხება ბიუჯეტის შემოსავლებს, სადაც, როგორც პარლამენტის წევრი მიხეილ მაჭავარიანი ამბობს, 6 თვის მონაცემების მიხედვით, დაგეგმილთან შედარებით, 247 მლნ ლარით ნაკლები შევიდა. ნაციონალების დაანონსებულ საბიუჯეტო კრიზისს ფინანსთა მინისტრი გამორიცხავს და აცხადებს, რომ სახელმწიფო ბიუჯეტიდან წელს დაგეგმილ ყველა ხარჯს გაწევს. 4 ივლისის მონაცემებით, ბიუჯეტში ნაშთის სახით 381,9 მლნ ლარია.

    მაკა ხარაზიშვილი
    05.07.2013

    საქართველომ მეზობელ ქვეყნებთან ექსპორტი ნახტომისებურად გაზარდა. შარშან აზერბაიჯანთან პირველად ექსპორტ-იმპორტის მაჩვენებელი გათანაბრდა, წლეულს კი, მაისის მონაცემებით, ამ ქვეყანაში ექსპორტმა იმპორტს უკვე 29 მილიონი დოლარით გადააჭარბა. ექსპორტი, ძირითადად, ავტომობილების რეექსპორტის ხარჯზეა გაზრდილი და ამ მაჩვენებელში ადგილობრივი პროდუქტის წილი ძალიან დაბალია. ექსპორტი ასევე სტაბილურად იზრდება რუსეთში, სომხეთსა და საქართველოს სტრატეგიულ სავაჭრო ქვეყანაში - უკრაინაში.

    მაკა ხარაზიშვილი
    04.07.2013

    შაჰ-დენიზის პროექტის მეორე ფაზის ფარგლებში ეფზ-ის (ტრანსადრიატიკული გაზსადენი) მშენებლობა უკვე გადაწყვეტილია. პრემიერ-მინისტრ ბიძინა ივანიშვილის განცხადებით, მეორე ფაზის ამოქმედების შედეგად, საქართველო მიიღებს 3-ჯერ მეტი მოცულობის დაბალფასიან გაზს. საინტერესოა, რა პროექტებზეა საუბარი და როგორია მათი პერსპექტივა, რას უნდა ელოდოს ქვეყანა და მისი მოსახლეობა.

    ელზა წიკლაური
    04.07.2013

    მთავრობაში ეკონომიკური ზრდის საპროგნოზო მაჩვენებელი სიტყვიერად უკვე შეცვალეს. თუ მთავრობაში აქამდე მშპ-ს 6%-იან მატებას ვარაუდობდნენ, დღეს ამბობენ, რომ ამ მაჩვენებლის მიღწევა, პრაქტიკულად, შეუძლებელია. ეკონომიკის მინისტრის, დავით კვირიკაშვილის თქმით, ზრდა, დაახლოებით, 4-4,5% იქნება. უფრო სკეპტიკურ პროგნოზს აკეთებენ ექსპერტები და აცხადებენ, რომ თუ ქვეყანაში ეკონომიკური მდგომარეობა არ შეიცვალა, მშპ-ს ზრდის მაჩვენებელმა, შესაძლოა, 3%-საც კი ვერ გადააჭარბოს.


    Copyright © 2006-2020 by Resonance ltd. . All rights reserved
    ×