სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    მარი ჩიტაია
    05.07.2011

    რეგიონებში სიმინდის ფასმა არნახულ თამასას მიაღწია. ამის მიზეზი პროდუქტის დეფიციტია. ძველი მარაგი თითქმის ამოწურულია, ახალ მოსავალს წელს, როგორც ქართველი გლეხები ამბობენ, დააგვიანდება.

    მაკა ხარაზიშვილი
    01.07.2011

      ბოლო მონაცემებით, სომხეთში წლიური ინფლაცია ბევრად დაბალია, ვიდრე საქართველოში. არადა მთავრობაში ხშირად აღნიშნავენ, რომ რეგიონში ინფლაციური თვალსაზრისით საქართველოში უკეთსი მდგომარეობაა, თუმცა მოსახლეობა სხვაგვარად ფიქრობს. მათ შემოსავლებს ხარჯებმა ბევრად გაუსწრო, მიუხედავად იმისა, რომ სეზონურობის ფაქტორიდან გამომდინარე, ბოსტნეული შედარებით იაფია.

    მაკა ხარაზიშვილი
    01.07.2011

      მაისში დეპოზიტების მაჩვენებელი 63,3 მილიონი ლარით ისევ შემცირდა. გარდა ამისა, 1,1%-ით გაიზარდა დოლარიზაციის კოეფიციენტი. სპეციალისტების განცხადებით, ეროვნულ ვალუტაში განხორციელებული ოპერაციები, გაცემული კრედიტები, დეპოზიტები მეტყველებენ არა მარტო ზოგადად ეკონომიკის საერთო მდგომარეობასა და მის დინამიზმზე, არამედ ეროვნული ვალუტისადმი ქვეყნის მოსახლეობის, საქმიანი წრეებისა და ინსტიტუტების დაბალ ნდობაზე.

    მარი ჩიტაია
    30.06.2011

      ეკონომიკურ პროცესებზე ყურადღების მოდუნებამ გამოიწვია ის, რომ ქვეყანამ ეკონომიკური ზრდის დაბალი მაჩვენებელი მიიღო, რაც მაისში დაფიქსირდა. სტატისტიკის ეროვნული სამსახურის მონაცემით, 2011 წლის განმავლობაში ეკონომიკური ზრდის ყველაზე დაბალი მაჩვენებელი სწორედ მაისში დაფიქსირდა.

    მაკა ხარაზიშვილი
    30.06.2011

      საფრანგეთის ფინანსთა მინისტრი კრისტინ ლაგარდი სავალუტო ფონდის ხელმძღვანელი გახდა. ქართველ ეკონომისტებს კი მიაჩნიათ, რომ საქართველომ სავალუტო ფონდის კარი ბოლოს და ბოლოს უნდა გამოიხუროს. ეს საკითხი მთავრობაში პერმანენტულად დგება, თუმცა ისიც ნათელია, რომ მთავრობის წევრები ფონდის ფულს ვერ ელევიან და იძულებულები ხდებიან მასთან დაკავშირებული პრეტენზიები ისევ უკან წაიღონ. ამ ეტაპზე საქართველოს სავალუტო ფონდის 774 მილიონი დოლარი მართებს.

    მაკა ხარაზიშვილი
    29.06.2011

      საქართველოში საკუთრების უფლების დარღვევის კიდევ ერთი, გაუგონარი, ფაქტი დაფიქსირდა. "საქართველოს რკინიგზა" შემოვლითი რკინიგზის მიმდებარე ტერიტორიის მესაკუთრე გახდა. იურისტების განცხადებით, მართალია, მინისტრმა ვერა ქობალიამ და სასამართლომ რკინიგზას ექსპროპრიაციის უფლება მიანიჭა, მაგრამ ეს არ ნაშნავდა იმას, რომ მას მიწის ნაკვეთები მესაკუთრეებთან შეთანხმების გარეშე გადასცემოდა. დაირღვა კონსტიტუციის 21- მუხლი, ასევე "აუცილებელი საზოგადოებრივი საჭიროებისათვის საკუთრების ჩამორთმევის წესის შესახებ" კანონი.

     

    მაკა ხარაზიშვილი
    28.06.2011

      ბიუჯეტში პრივატიზაციიდან მისაღები თანხა, ჯარიმებმა ჩაანაცვლა. უფრო სწორად, მას შემდეგ, რაც სახელმწიფომ საპრივატიზაციო ობიექტების ნუსხა ამოწურა, ხოლო რაც დიდი ობიექტი დარჩა სიმბოლურ ფასად გაასხვისა, ბიუჯეტში ამ დანაკლისის შესავსებად ყველგან და ყველაფერზე ჯარიმები დაწესდა. ჯარიმების მოცულობა გაიზარდა, როგორც ახალ საგადასახადო კოდექსში, ისე ადმინისტრაციულ სამართალდარღვევათა კოდექსში. საზოგადოება, უკვე სიმწრით ხუმრობს, რომ შეიძლება მთავრობამ სიარულისას ნაბიჯების არასწორად გადადგმის ჯარიმები დააწესოს.

    მაკა ხარაზიშვილი
    28.06.2011

      მსხვილ ინვესტორთა სია სრულიად შეიცვალა, ამჯერად ყაზახებისა და არაბების ნაცვლად, პირველი ინვესტორი ქვეყანა კვიპროსია, მეორე ადგილზე დიდი ბრიტანეთია, მესამეზე - ნიდერლანდები, ხოლო მეოთხე პოზიცია რუსეთს უკავია. ყველასთვის კარგად არის ცნობილი, რომ კვიპროსში დიდი მოცულობის რუსული კაპიტალია თავმოყრილი, სხვათა შორის ჩრდილოელი მეზობლის პირველი ინვესტორი ქვეყანაც სწორედ კვიპროსია.

    მაკა ხარაზიშვილი
    24.06.2011

      ეროვნული ბანკი ცდილობს ლარის არსებული კურსი შეინაჩუნოს. ექსპერტები მიიჩნევენ, რომ ზაფხულის პერიოდში კურსის სერიოზული ცვლილება მოსალოდნელი არ არის, იგი შეიძლება მცირედით დაეცეს. ეროვნული ბანკის მისიაა, წლის ბოლომდე 8%-იანი ინფლაციის შენარჩუნება შეძლოს, შესაბამისად, იგი შეეცდება მყარი კურსი შეინარჩუნოს.

    მაკა ხარაზიშვილი
    23.06.2011

      ვაზიანი-გომბორი-თელავის გზა ისევ მეწყერმა წაიღო. გეოლოგების განცხადებით, ეს მოულოდნელი არ ყოფილა, ვინაიდან აღნიშნულ მონაკვეთზე ქანები უკიდურესად დაშლილი და დანაწევრებულია. ფაქტობრივად, ამ გზის მშენებლობისთვის 43 მილიონი ლარი, საიდანაც 30 მილიონი მსოფლიო ბანკის კრედიტია, ისე გადაიყარა, რომ არც მთავრობამ და არც სამინისტრომ საბჭოთა პერიოდის მაგალითები და გეოლოგების დასკვნები არ გაითვალისწინა. მშენებლობის ხარჯების გარდა, გზის მუდმივი რეაბილიტაციისთვის 24 მილიონი ლარი უკვე დაიხარჯა. დეპარტამენტში იმედი აქვთ, რომ სარეაბილიტაციო სამუშაოების დასრულების შემდეგ, გომბორზე პრობლემა მოიხსნება, თუმცა გეოლოგები ამჯერადაც აფრთხილებენ რეგიონალური განვითარებისა და ინფრასტრუქტურის სამინისტროს ხელმძღვანელობას, რომ პრობლემა არასდროს მოიხსნება.

    მაკა ხარაზიშვილი
    23.06.2011

    პირდაპირი უცხოური ინვესტიციების შესახებ ინფორმაციას სტატისტიკის ეროვნული სამსახური მომდევნო კვირას გამოაქვეყნებს. არსებული ინფორმაციით, კი 2011 წლის პირველი კვარტლის საინვესტიციო მონაგარი შარშანდელზე, 75 მილიონი დოლარი, ცოტათი მეტი იქნება, თუმცა ეს ინფორმაცია ნებისმიერ დროს შეიძლება შეიცვალოს.

    მაკა ხარაზიშვილი
    21.06.2011

      საქართველოში, დაახლოებით, 1000 ჰექტარი სასოფლო-სამეურნეო მიწის ნაკვეთები დაიტბორა. ფაქტობრივად ჩავარდა ჰიბრიდული სიმინდის პროგრამა, რომლის ფარგლებშიც მთავრობამ სიმინდის ექსპორტიც კი დაგეგმა. სპეციალისტების განცხადებით, სავარგულების განადგურების მიზეზი, უხვ ნალექთან ერთად, მოშლილი წყლისგამტარი სისტემებია, რომლის მოწესრიგების შემთხვევაში, ზარალის მნიშვნელოვანი შემცირება იყო შესაძლებელი.


    Copyright © 2006-2018 by Resonance ltd. . All rights reserved