„ქართული ოცნების" თავმჯდომარის, ირაკლი კობახიძის ბრალდებებმა და ეჭვებმა ყოფილი პრემიერ მინისტრის მიმართ, შესაძლოა ამომრჩველის ნაწილში გახარიას მიმართ პოზიტიური განწყობა დანერგოს და მისი მხარდამჭერთა რაოდენობა გაზარდოს. ამის შესახებ „რეზონანსთან" პოლიტოლოგმა რამაზს საყვარელიძემ ისაუბრა.

ორშაბათის ბრიუსელის სამიტზე ასპირანტი ქვეყნების საქართველოსა და უკრაინის ნატოში გაწევრიანების კონკრეტულ ვადებს ისევ არ ასახელებენ, თუმცა, ამ ქვეყნებისთვის ალიანსის კარი კვლავ ღიაა - ორგანიზაციის გენერალური მდივანი იენს სტოლტენბერგი აცხადებს, რომ ამჯერად რეფორმებზე ფოკუსირებაა მნიშვნელოვანი.

საქართველოში კორონავირუსზე ამ დროისთვის ორჯერადად 7%-ია აცრილი, სულ 200 ათასზე მეტი ადამიანი, აქედან გამომდინარე, პანდემიის დამარცხებაზე საუბარი ჯერ კიდევ ნაადრევია - სპეციალისტები მიიჩნევენ, რომ ვაქცინაცია, პირველ რიგში ამცირებს სწორედ გარდაცვლილთა რაოდენობას, სასიკვდილო, მძიმე ფორმებსა და რეანიმაციაში მოხვედრის შემთხვევებს.

ორშაბათს ბრიუსელში ნატოს სამიტი გაიმართება, სადაც საქართველოზეც იქნება საუბარი. პრემიერ-მინისტრ ირაკლი ღარიბაშვილი იმედოვნებს, რომ ყველა შეთანხმებასა და ვალდებულებას საქართველო პირნათლად ასრულებს და ეს სათანადოდ იქნება დაფასებული. ანალიტიკოსების შეფასებით კი ჯერ არავინ იცის ჩვენი მისამართით კონკრეტულად რა განცხადებები გაკეთდება, თუმცა მოლოდინია, რომ რაღაც ახალი ინიციატივები გამოიკვეთება.

სომხეთსა და აზერბაიჯანს შორის 12 ივნისს მიღწეულ შეთანხმებას, რომელშიც შუამავლის სტატუსით აშშ-სთან ერთად საქართველოც იყო ჩართული, ანალიტიკოსები ისტორიული მნიშვნელობის მოვლენად აფასებენ. ეს ერთის მხრივ იმას ნიშნავს, რომ საქართველო კავკასიაში თავის ისტორიულ როლს იბრუნებს, მეორეს მხრივ კი ამით რუსეთი რეგიონში ერთადერთი და უალტერნატივო მედიატორის სტატუსს კარგავს.

საოკუპაციო რეჟიმი უკანონო ქმედებას და მშვიდობიანი მოსახლეობის ტერორიზირებას განაგრძობს. ამჯერად 60 წლის გერონტი პაპიტაშვილი ყვება, რომ სოფელ კირბალში, როდესაც საქონელს საქართველოს ხელისუფლების მიერ კონტროლირებად ტერიტორიაზე აძოვებდა, მასთან რუსი ოკუპანტები მივიდინენ და უთხრეს, რომ დაკავებულია, რადგანაც ე.წ. საზღვარი გადალახა. ერთ-ერთმა მისმა თანასოფლელმა გაქცევა მოახერხა, ხოლო თავად ის დააკავეს. 

როგორ მოქმედებს საქართველოს პოლიტიკური სივრცის მთავარი მოთამაშეების რეიტინგებზე მმართველ პარტიასა და ყოფილ პრემიერ გიორგი გახარიას შორის მიმდინარე მწვავე დაპირისპირება, რომელსაც ახლა უკვე გახარიას კადრების სამსახურიდან დათხოვნა დაემატა? ანალიტიკოსთა ნაწილი მიიჩნევს, რომ „ოცნებამ“ ამით საბედისწერო პროცენტები“ დაკარგოს. ნაწილის აზრით კი, ეს არაფერს შეცვლის, რადგან მმართველ პარტიას მყარი ელექტორატი ჰყავს.

ანალიტიკოსი და ყოფილი სახელმწიფო მინისტრი პაატა ზაქარეიშვილი „რეზონანსთან“ აცხადებს, რომ „ქართული ოცნებისა“ და გიორგი გახარიას დაპირისპირება, რა თქმა უნდა, ხელს ოპზიციას აძლევს და უნდათ თუ არა, გახარია მათი მოკავშირე და იმედიც შეიძლება იყოს. თუმცა რამდენად იხეირებენ ამ კონფლიქტში, რთული სათქმელია, რადგანაც 7-თვიანი არასწორი პოლიტიკური ტაქტიკის შედეგად ოპოზიცია ძალიან დაზიანებულია. განსაკუთრებული კრიზისი კი „ნაციონალურ მოძრაობაშია“. 

ანალიტიკოსი ვახტანგ ძაბირაძე „რეზონანსთან“ ბოლო დღეებში განვითარებულ პოლიტიკურ მოვლენებზე საუბრობს. ის „ნაციონალური მოძრაობის“ პარლამენტში შესვლას და ნიკა მელიას განცხადებას, ასევე გიორგი გახარიას პოლიტიკურ შესაძლებლობებს აფასებს. 

მინდია დავითაძე სამსახური კრახის პირას მიიყვანა თავისი არაკომპეტენტურობით და ნეპოტიზმით და სავარაუდოდ, ამის გამო მოხსნეს, - აცხადებს „საქპატენტის“ ერთ-ერთი დეპარტამენტის უფროსი, ირაკლი კასრაძე. მისი მტკიცებით, დავითაძე რამდენიმე თვეა თავის უფლებამოსილებას მის წინააღმდეგ უკანონოდ იყენებდა. 

მგონია, რომ გახარიამ კითხვებს პასუხი უნდა გასცეს, კობახიძის კი არა საზოგადოების კითხვებს უნდა გასცეს პასუხი, ჯერ საზოგადოებას უნდა ჰკითხოს, აქვს თუ არა მის მიმართ კითხვები, მაგრამ მე მგონი გარკვეული კითხვები მაინც არსებობს, რასაც პასუხი სჭირდება - ამის შესახებ „რეზონანსთან" ექსპერტმა კავკასიის საკითხებში მამუკა არეშიძემ განაცხადა, რომლითაც გამოეხმაურა ყოფილი პრემიერისა და პარტია „საქართველოსთვის" ლიდერის გიორგი გახარიას მისამართით განვითარებულ მოვლენებს.

საპარლამენტო ფრაქცია „ლელო-პარტნიორობა საქართველოსთვის" წევრმა სალომე სამადაშვილმა „პალიტრანიუსის" ეთერში განაცხადა, რომ „ქართული ოცნების" რეიტინგი სხვადასხვა და მათ შორის შიდა გამოკითხვებით უკიდურესად შემცირებულია, რაზედაც საპარლამენტო უმრავლესობის წევრი ირაკლი ქადაგიშვილი „რეზონანსთან" საუბარში აღნიშნავს, რომ მმართველ პარტიას არანაირი შიდა კვლევა არ ჩაუტარებია და რომ ეს არგუმენტი სამადაშვილმა აზრის გასამყარებლად მოიშველია.