უპრეცედენტო ოდენობის უკანონო შემოსავლების ლეგალიზაციის ფაქტზე დაკავებულს 12 წლამდე პატიმრობა ემუქრება, საქმე ფულის გათეთრების მუხლითაა აღძრული. მმართველ პარტიაში აცხადებენ, რომ არნახულ თანხებზეა საუბარი და მნიშვნელოვანია ვიცოდეთ, თუ რა სქემა იყო აწყობილი. ოპოზიციისთვის კი წარმოუდგენელია მსგავსი მასშტაბის დანაშაული პოლიტიური მფარველობის გარეშე ყოფილიყო ჩადენილი.

„კოალიცია ცვლილებისთვის" ერთ-ერთ ლიდერს, ელენე ხოშტარიას, 5000-ლარიანი გირაო შეეფარდა. გადაწყვეტილება მოსამართლე არსენ კალატოზიშვილმა მიიღო. ბრალდებული გირაოს გადახდას არ აპირებს და ვრცელ განცხადებაში სხვებსაც მოუწოდებს, რომ მისი გირაო არავინ გადაიხადოს. მმართველი გუნდი აცხადებს, რომ ხოშტარიამ პოლიტიკურად მოტივირებული დანაშაული ჩადინა და შესაბამისი რეაგირება მოხდა.

საქართველოში ელექტრომობილების მიმართ ინტერესი სულ უფრო მეტად იზრდება, მაგრამ შესაბამისი ინფრასტრუქტურა და სერვისი მოთხოვნას ვერ ეწევა. ქვეყანაში ელექტროდამტენების რაოდენობა მცირეა, არც მომსახურებაა შესაბამისი. აწორედ ამიტომაა, რომ ელექტრომანქანებისადმი ინტერესი ქვეყანაში ვერაფრით გაიზარდა. 

უკრაინის ტერიტორიაზე ე.წ. სამშვიდობოები ფაქტობრივად საოკუპაციო ძალები იქნებიან და რუსი სამხედროებისთვის ლეგიტიმური სამიზნეები გახდებიან, - ამის შესახებ რუსეთის საგარეო საქმეთა მინისტრმა, სერგეი ლავროვმა დიპლომატებთან შეხვედრაზე სიტყვით გამოსვლისას განაცხადა.

ოპოზიციის ორივე ფრთას თავის მხრივ მიაჩნიათ, რომ პოლიტიკურად სწორი გადაწყვეტილება მიიღეს - არჩევნებში მონაწილეები ფიქრობენ, რომ "ბრძოლას ყოველთვის აქვს აზრი", ბოიკოტის მომხრეები კი, საპასუხოდ აცხადებენ, რომ "რუსული სპეცოპერაცია არანაირად არ შეიძლება ჩაითვალოს რაღაც ბრძოლაში ყოფნად".

დედაქალაქში მიმდინარე საპროტესტო აქციებზე პერიოდულად ხდებოდა სიტყვიერი და ფიზიკური დაპირისპირება, თუმცა ამჯერად სიტუაცია კიდევ უფრო გამწვავდა. 15 სექტემბრის აქციაზე 16 წლის მოზარდი იარაღით გამოჩნდა და პროტესტის მონაწილეებს ემუქრებოდა, თუმცა ის, თავად აქციის მონაწილეთა ძალისხმევით, მალევე დააკავეს.

4 ოქტომბრის დაანონსებული „მშვიდობიანი რევოლუციის" გეგმის რამდენიმე დეტალი უკვე ცნობილია. როგორც აქციის ორგანიზატორები ამბობენ, აქცია რამდენიმე ლოკაციაზე გაიმართება, რომლებიც ჯერჯერობით არ საჯაროვდება, საჯაროდ დასახელდება ე.წ. ტექნიკური მთავრობის შემადგენლობა და საღამოს 8 საათისთვის „ხელისუფლების გადაბარება უკვე დასრულებული იქნება".

4 ოქტომბრის მუნიციპალურ არჩევნებზე უცხოელი დამკვირვებლები იქნებიან, თუმცა ძირითადად სხვადასხვა ქვეყნის საარჩევნო თუ სარეფერენდუმო კომისიების წარმომადგენლები. უნდა აღინიშნოს, რომ დელეგაციებში დასავლელი დამკვირვებლების უჩვეულო სიმცირე შეინიშნება, რასაც ანალიტიკოსები „ოცნების" დასავლეთთან გაუარესებული ურთიერთობებით ხსნიან.

ოპოზიცია კვლავ 4 ოქტომბრის მშვიდობიან რევოლუციასა და მასშტაბურ დემონსტრაციებზე საუბრობს. ამის პარალელურად კი, ბოლო რამდენიმე კვირაა, სოციალურ ქსელებში მმართველი პარტიის მხარდამჭერ ჯგუფებში კეთდება მინიშნებები, რომ შესაძლოა აქცია ხელისუფლების მხარდამჭერებმაც მოაწყონ. თუმცა, მმართველ გუნდში ამასთან დაკავშირებით ჯერჯერობით არ საუბრობენ.

მმართველი პარტია აცხადებს, რომ პროტესტის მონაწილეების მიმართ აქამდე „ძალიან რბილი მიდგომა" იყო და ახლა ეს იცვლება. ამ ცვლილების მაგალითად პრემიერმა ირაკლი კობახიძემ „კოალიცია ცვლილებებისთვის" ერთ-ერთი ლიდერის, ელენე ხოშტარიას დაკავება დაასახელა. ანალიტიკოსებიასეთი შემთხვევების გახშირებას არ გამორიცხავენ.

ევროკომისიამ სექტემბრის დასაწყისში დაანონსა, რომ "ქართული ოცნების" წერილზე პასუხს შეაფასებს, თუმცა, დაახლოებით ორი კვირაა ევროკავშირის მხრიდან დუმილია, არც ოფიციალურ დონეზე ყოფილა პასუხი და არც ინდივიდუალური განცხადება არ გაუკეთებიათ, თუ საბოლოოდ რა ბედი ელის შენგენის ზონაში საქართველოს უვიზო მიმოსვლის საკითხს.

უკვე მრავალი წელია ფოთის პორტის გაფართოებაზე მიდის საუბარი, თუმცა პროექტმა ჯერჯერობით წინ ვერ წაიწია. ადმინისტრაციაში ფიქრობენ, რომ სახელმწიფოს ამჟამად სხვა პრიორიტეტი გააჩნია, რაც ანაკლიის პორტს უკავშირდება. „რეზონანსი" შეეცადა გაერკვია, რამდენად რეალური მიზეზია ანაკლიის ნავსადგურის მშენებლობა ფოთის პორტის გაფართოების გაჭიანურებაში. 

ბოლო პერიოდის ინფლაცია მზარდია და მომდევნო თვეებში კვლავ მატებაა მოსალოდნელი. ასეთი პროგნოზი აქვს ეკონომისტებს და სხვადასხვა ანალიტიკურ ცენტრებს. რთული სათქმელია რა მაჩვენებელზე იქნება მომდევნო თვეებში ფასების საერთო ინდექსი, თუმცა მოსახლეობას, რომ გაძვირებული პროდუქტები უკვე პრობლემად ექცა, აშკარაა. 

საქართველოში ახალშექმნილი სამი ოჯახიდან ორი ინგრევა. მდგომარეობა წლიდან წლამდე უარესდება და მატულობს  განქორწინებათა რიცხვი. ბევრიც არარეგისტრირებულ ქორწინებაში და ურთიერთობაშია. ცალკე თავსატეხია დაქორწინების ასაკის გადაწევა. პრობლემა იმდენად მასშტაბურია, რომ ქვეყნის ეკონომიკაზეც მკვეთრად ნეგატიური გავლენა აქვს, რადგან განქორწინება მოქალაქეების მდგომარეობაზე ცუდად მოქმედებს, ხარჯები იზრდება და დანაზოგი ვერ კეთდება.

ონლაინ გაყიდვების მიმართ მოთხოვნა მკვეთრად მატულობს. მომხმარებლობის დიდი ნაწილი უპირატესობას სწორედ ვაჭრობის ამ მეთოდს ანიჭებს, რის გამოც საქართველოში ონლაინ შოპინგი ერთ-ერთი ყველაზე მოთხოვნადი მიმართულებაა, მიუხედავად იმისა, რომ რისკებიც მაღალია და მომხმარებლების მიერ კონკურენციის სააგენტოში დაფიქსირებული განცხადებების დიდი წილი სწორედ ონლაინ ვაჭრობაზეა.

უახლოეს მომავალში ზეთი შეიძლება გაძვირდეს. ამის მიზეზი საგადასახადო ცვლილებაა, რომელიც პროდუქტის  მთავარმა იმპორტიორმა დააწესა. როგორც ცნობილია,  სექტემბრიდან რუსეთის სოფლის მეურნეობის სამინისტრომ მზესუმზირის ზეთის ექსპორტზე გადასახადი 1 ტონაზე 5.746.2 რუბლამდე (69 დოლარამდე), ხოლო შროტზე ტონაზე 1.119.4 რუბლამდე (13.4 დოლარამდე) დააწესა. მანამდე ნულოვანი საბაჟო ტარიფი მოქმედებდა. იმპორტიორები ფიქრობენ, რომ ცვლილება ზეთის გაძვირებას გამოიწვევს, რამაც შესაძლოა, გარკვეული გავლენა პროდუქტის მოხმარებაზეც იქონიოს.

საქართველოში დემოგრაფიული მდგომარეობა საგანგაშო ნიშნულს აღწევს -2025 წელს ისევ უარყოფითი ბუნებრივი მატება დაფიქსირდა: 2025 წლის იანვარ-ივნისში ქვეყანაში 17 719 ბავშვი დაიბადა, ხოლო 22 718 ადამიანი გარდაიცვალა. რა მიზეზები დგას ამ სტატისტიკის უკან და რა ნაბიჯები უნდა გადადგას სახელმწიფომ?

ოთხშაბათს გამოქვეყნებულ ვიდეოში, იულია ნავალნაია - გარდაცვლილი რუსი ოპოზიციონერი ლიდერის, ალექსეი ნავალნის მეუღლე - აცხადებს, რომ მისი ქმარი მოწამლეს. მისივე თქმით, მკვლელობაზე პასუხისმგებელი რუსეთის პრეზიდენტია. კრემლი აღნიშნულს უარყოფს.

კარგი სატელეფონო საუბარი მქონდა დონალდ ტრამპთან, ევროკომისია მალე სანქციების მე-19 პაკეტს წარადგენს, რომელიც მიზანში ამოიღებს კრიპტოს, ბანკებსა და ენერგეტიკას. ამის შესახებ ევროკომისიის პრეზიდენტი, ურსულა ფონ დერ ლაიენი X-ის საკუთარ გვერდზე წერს.