პარტიების არძალვაზე „ოცნების" ინიციატივას საერთაშორის გამოხმაურებები მოჰყვა. ბოლო ყველაზე თვალშისაცემი რეაქცია ევროპის საბჭოს საპარლამენტო ასამბლეის განცხადებაა, ის მმართველ პარტიას მოუწოდებს სარჩელს გადახედოს, რადგან ოპოზიციის აკრძალვა ერთპარტიული დიქტატურის დამყარებას გამოიწვევს, რაც ევროპის საბჭოს წევრობასთან შეუთავსებელია.

მმართველი პარტიის მიერ საკონსტიტუციო სასამართლოში სამი პარტიის აკრძალვის მოთხოვნით სარჩელის შეტანა ოპოზიციურ ფლანგზე „მომაკვდავი პოლიტიკური პროცესის გამოცოცხლების" შანსს ქმნის. ამის შესახებ ენმ-ის ლიდერები საუბრობენ და ოპოზიციის ახალ გაერთიანებაზე მიანიშნებენ. ამ მოსაზრებას ნაწილობრივ ანალიტიკოსებიც ეთანხმებიან და არ გამორიცხავენ, რომ ამ სარჩელმა ენმ-ის წიაღიდან გამოსულ პარტიებს გაერთიანებისკენ უბიძგოს.

სექტემბერში, თბილისში, ბინის ქირა 10%-ით გაიაფდა და 1 კვ/მ-ზე, გასაქირავებელი საშუალო შეწონილი ფასი 10.2 დოლარი გახდა. საბროკერო კომპანიების წარმომადგენლებიც ადასტურებენ, რომ საცხოვრებელი ბინების ქირის ტარიფმა ნამდვილად იკლო, თუმცა მხოლოდ და მხოლოდ საშუალო სეგმენტში. რაც შეეხება პრემიალური სეგმენტის ბინებს და სახლებს - მას ცვლილება არ შეხებია, ხოლო ბიუჯეტური სეგმენტის ბინების ფასი, რომლებზეც ძალიან დიდი მოთხოვნაა, კვლავაც უცვლელია.  

პრეზიდენტ ემანუელ მაკრონის ბრძანებით, საფრანგეთი უკრაინაში ჯარების განლაგებისთვის ემზადება - ამის შესახებ განცხადებას რუსეთის საგარეო დაზვერვის სამსახური ავრცელებს. ამის საპასუხოდ ფრანგულ მხარეს, ჯერჯერობით, ოფიციალური განცხადება არ გაუკეთებია. რამდენად რეალურია რუსული დაზვერვის განცხადება და რა მოხდება, თუ საფრანგეთი ამ ნაბიჯს გადადგამს?

საკონსტიტუციო სასამართლო საინტერესო იურიდიული კაზუსის წინაშე აღმოჩნდა - პარტია „ლელო" იმ კანონების არაკონსტიტუციურად ცნობას ითხოვს, რომლის საფუძველზეც მმართველმა პარტიამ „ლელოს" აკრძალვის მოთხოვნით საკონსტიტუციო სარჩელი აღძრა. კონსტიტუნაციონალისტი ვახტანგ ხმალაძე აცხადებს, რომ ეს ორი სარჩელი გავლენას მოახდენს ერთმანეთზე.

„ქართული ოცნების" მიერ დაანონსებული ასაკრძალი პარტიების სია არც ისე გრძელი აღმოჩნდა. საკონსტიტუციო სარჩელში მხოლოდ სამი პარტიაა მოხსენიებული - ენმ, „ლელო" და „ახალი" („კოალიცია ცვლილებებისათვის"). კონკრეტული პოლიტიკოსებისათვის ინდივიდუალური შეზღუდვების დაწესებაზე კი მმართველი პარტია უარს ამბობს. სარჩელის დეტალებზე 28 ოქტომბერს ჟურნალისტებთან პარლამენტის თავმჯდომარე შალვა პაპუაშვილმაც ისაუბრა და მასში შეტანილი ცვლილებების მიზეზებიც დაასახელა.

ქვეყანაში მიმდინარე პროტესტში ჩართული 7 პარტია ბრძოლის ახალ ეტაპს აანონსებს, შემდგომი მოქმედების 10-პუნქტიან გეგმასაც აქვეყნებს, რომელიც „თავისუფლების მოედნის" შეფასებით, ორ საყრდენზე დგას - ერთის მხრივ ხალხთან მუშაობა, მეორეს მხრივ კოორდინაცია საერთაშორისო პარტნიორებთან და დამოკრატიული ზეწოლის გაძლიერება ხელსუფლებაზე.

„ქართული ოცნება" ექსპრემიერ გიორგი გახარიას პარტიის 12 წევრს პარლამენტში მწვავე კრიტიკით დახვდა. გაიმართა პირველი დებატებიც, თუმცა დეპუტატები აკადემიური ჩარჩოებიდან არ გასულან. ანალიტიკოსები მიიჩნევენ, რომ ცხარე სიტყვიერ დაპირისპირებებს პარლამენტის შემდგომ სხდომებზეც უნდა ველოდოთ, თუმცა ეს მალე ჩაივლის. პარტიის „გახარია საქართველოსთვის" პარლამენტში შესვლას კი ისინი არ მიიჩნევენ პოლიტიკური პროცესების ქუჩიდან პარლამენტში გადანაცვლების დასაწყისად.

ოპოზიციური პარტიები და პარტიებთან დაკავშირებული ლიდერები ქვეყანაში მიმდინარე პროტესტის სადავეების ხელში აღებას კვლავ ცდილობენ. ხშირად ისინი სცენაზე გამოსვლასაც კი ერიდებოდნენ, რადგან მათ არაერთ ასეთ განცხადებას სტვენითა და შეძახილებითაც კი შეხვდნენ პროტესტის მონაწილეები.

„ძლიერი საქართველო - ლელო" საკონსტიტუციო სასამართლოს კონსტიტუციური სარჩელით მიმართავს და „ქართული ოცნების" მიერ პარტიების აკრძალვის შესახებ მიღებული კანონის არაკონსტიტუციურად ცნობას მოითხოვს, შემდეგ უკვე სტრასბურგის სასამართლოში წასვლას აპირებენ. მმართველ პარტიაში კი ამბობენ, რომ ამ საკითხზე სადავო არაფერია.

ექსპრემიერ გიორგი გახარიას ხალხის პარლამენტში დაბრუნება ისევ განხილვის ეპიცენტრშია - ამ გადაწყვეტილებამ არა მხოლოდ ოპოზიცია, არამედ პარტიის ზოგიერთი წევრიც უკმაყოფილო დატოვა. გახარიას გუნდს კიდევ ერთმა წევრი გამოაკლდა, "ოცნებაში" კი აცხადებენ, რომ ყველაზე ჭკვიანი ოპოზიციონერებიდან სწორედ გახარია აღმოჩნდა, თუმცა თუ აქამდე პარლამენტში არშესვლის გამართლებისთვის ბრძოლა უწევდა, ახლა პირიქით - მისი შესვლა უნდა გაამართლოს.

წყალი რეგიონებში გაძვირების ზღვარზეა. გაერთიანებული წყალმომარაგების კომპანია რეგიონებში რეფორმისთვის ემზადება, მათ შორის ერთ-ერთი საკითხი სატარიფო ცვლილებაა. ცალსახად, რომ ტარიფი გაიზრდება, ჯერჯერობით არავინ საუბრობს, თუმცა სემეკში ,,რეზონანსს“ დაუდასტურეს, რომ კომპანიების სატარიფო პოლიტიკა, არსებული წესების დაცვით გადაიხედება.

უკვე ერთი კვირაა, საერთაშორისო ბაზრებზე ოქროს ფასი საგრძნობლად შემცირდა. ეს მაშინ, როდესაც ბოლო წლების განმავლობაში, თითქმის ყოველდღიურად, ძვირფასი ლითონის ფასი მზარდი აღმასვლით ხასიათდებოდა. ერთკვირიან პერიოდში, ოქროს ფასი 7.5%-ით შემცირდა, რაც 1 უნციაზე 460-დოლარიან კლებას ნიშნავს. ეს კი ბოლო ათწლეულის ყველაზე დიდი ვარდნაა, თანაც მოკლე დროში. ამჟამად, 1 უნცია ოქროს ფასი 3920 აშშ დოლარია, რაც ფასის შემცირების მიუხედავად, წლიურ ჭრილში, 41%-ით გაზრდილი მაჩვენებელია. ანალიტიკოსები ფასის შემცირებას კორექციას უკავშირებენ და აცხადებენ, რომ ათდღიან ვადაში, ოქროს ფასი კვლავ გაიზრდება.

რთველი-2025 დასასრულს მიუახლოვდა. მთავრობამ პირობა შეასრულა და მოსავლის შეუფერხებლად ჩაბარება ყველა მევენახემ შეძლო. ახლა სწორება ქართული ღვინის პოპულარიზაციასა და ექსპორტზეა, რაც ასევე წარმატებით ხორციელდება. დარგის მხარდამჭერი ღონისძიებები ამ ეტაპზეც აქტიურად მიმდინარეობს. ქართული ღვინოს ცნობადობა განვითარებული ქვეყნების ბაზრებზე იზრდება, რასაც უცხოელი პარტნიორები პირდაპირ აღიარებენ. შესაბამისად, უფრო მეტი შესაძლებლობაა იმისთვის, რომ ქართველი მეღვინეები წარმატებით წარდგნენ გლობალურ გამოფენებზე და რეალიზაციის არეალი გააფართოვონ.

დედაქალაქში მოძრაობის განტვირთვის ერთ-ერთი გზა ხიდების მშენებლობაა. ქალაქში უკვე იმდენად ჭარბი რაოდენობითაა ავტომობილები, რომ ასეთი პროექტების მომზადება და გაკეთება სასწრაფო, თუმცა რთული საქმეა. როგორც სპეციალისტები აღნიშნავენ, ქალაქის გზები აღარ იძლევა მანქანების გატარების შესაძლებლობას. ამიტომ საჭიროა მასშტაბური პროექტების განხორციელება, წინააღმდეგ შემთხვევაში კოლაფსი გარდაუვალია.

სახელმწიფო ენერგეტიკული პოლიტიკის გადახედვას და ახალი პროექტების დაწყებას გეგმავს. იმ ფონზე, როცა ქვეყნის იმპორტდამოკიდებულება მატულობს და გამომუშავებული ელექტროენერგია ზაფხულის პერიოდშიც კი არასაკმარისია, სექტორში ძირეული ცვლილებების აუცილებლობა ნამდვილად იკვეთება. თუმცა სპეციალისტების ნაწილი ოპტიმალურ გამოსავალს უკვე არსებული პროექტების კორექტირებაში ხედავს და სახელმწიფო სტრუქტურებს სწორედ ამ მიმართულებით ნაბიჯის გადადგმისკენ მოუწოდებენ.

ახალგაზრდა მასწავლებლის სასტიკი მკვლელობის საქმეზე ორი ახალგაზრდაა დაკავებული. ერთი არასრულწლოვანია, მეორე კი 2007 წელსაა დაბადებული და უცნობია, შეუსრულდა თუ არ აუკვე 18 წელი. გამოძიება ჯანმრთელობის განზრახ მძიმე დაზიანებაზე მიდის, რამაც ადამიანის სიკვდილი გამოიწვია. როგორც გარდაცვლილის დედა ამბობს, 28 წლის გიგა ავალიანი ეჭვიანობის ნიადაგზე ჯგუფურად მოკლეს და დანაშაულს „ერთს ტენიან" - ის კონკრეტულ ვინაობებსაც ასახელებს.

რუსეთმა ბირთვული ძრავით აღჭურვილი ფრთოსანი რაკეტა „ბურევესტნიკი" წარმატებით გამოსცადა - იარაღი, რომელსაც, პუტინის თქმით, „ნებისმიერი თავდაცვითი ფარის გარღვევა შეუძლია". კრემლის ამ ნაბიჯს დასავლეთში მორიგ ბირთვულ გაფრთხილებად აფასებენ.თუმცა გავლენიანი გამოცემები მიანიშნებენ, რომ აშშ, უკრაინა და რუსეთი ომის შეჩერებაზე შეთანხმებასთან უკვე ახლოს არიან.

რუსულ სამხედრო ქარხნებში წარმოების შემცირება დაიწყო. ამის შესახებ ინფორმაციას გამოცემა „მოსკოუ ტაიმსი" რუსეთის სახელმწიფო სტატისტიკური სააგენტო როსსტატის მონაცემებზე დაყრდნობით ავრცელებს. მიუხედავად მზარდი ეკონომიკური წნეხისა, რუსეთი უკრაინაზე იერიშს აგრძელებს და რიტორიკას არ ცვლის. ანალიტიკოსების ნაწილი ვარაუდობს, რომ რუსეთი სამხედრო მიზნებს არ შეცვლის და სანქციებს აიტანს, ნაწილი კი მიიჩნევს, რომ შესაძლოა რუსულ ეკონომიკაში გადატვირთვა მოხდეს.