6 წელზე მეტი ასაკის ავტომობილების იმპორტი საქართველოში 1-ლი აპრილიდან აღარ აიკრძალება, თუმცა ამის ნაცვლად მნიშვნელოვნად გაძვირდება ამ ავტომობილების განბაჟება. ხელისუფლებამ ეს გადაწყვეტილება 12 მარტს მოულოდნელად მიიღო. ანალიტიკოსთა ნაწილი „ოცნების" მართვის სტილში გარკვეული ტენდენციის გაჩენაზე მიუთითებს და უმაღლესი განათლების ხმაურიან რეფორმასთან ავლებს პარალელს.

11 მარტს, ევროპარლამენტში სომხეთის პრემიერის სიტყვით გამოსვლას თბილისში დიდი გამოხმაურება მოჰყვა. ფაშინიანმა განაცხადა, რომ საქართველოს ხელისუფლებისა და ევროკავშირის დაპირისპირება სერიოზულ პრობლემებს უქმნის სომხეთს ევროკავშირთან დაახლოების კუთხით. საქართველოში პოლიტიკური და ანალიტიკური წრეების წარმომადგენელთა ნაწილმა ეს სიტყვები 3-5 მარტს ფაშინიანის საქართველოში ვიზიტს დაუკავშირა.

ირანსა და ახლო აღმოსავლეთის ქვეყნებში განვითარებული მოვლენები გარკვეულ დაღს დაასვამს სამშენებლო-სარემონტო საქმიანობას. ბიზნესის წარმომადგენლები სამშენებლო მასალების 20%-მდე გაძვირებას არ გამორიცხავენ. მიზეზი ირანიდან პროდუქციის შემცირება, ასევე მსოფლიო ბაზარზე ნავთობის გაძვირება და შედეგად ტრანსპორტირების ხარჯის ზრდაა. დარგის სპეციალისტები კი ასეთ დრამატულ სურათს არ ვარაუდობენ და აცხადებენ, რომ სამშენებლო-სარემონტო მასალები ირანის გარდა, სხვა ქვეყნებიდანაც შემოდის. იმ შემთხვევაში, თუ ბაზარზე დეფიციტი მაინც შეიქმნება, ეს ერთგვარი შანსი იქნება, ადგილობრივი წარმოების გასაზრდელად. 

ახლო აღმოსავლეთში კვლავ რთული ვითარებაა, თუმცა აშშ-ის პრეზიდენტმა დონალდ ტრამპმა ომი პრაქტიკულად მოგებულად გამოაცხადა. ტრამპი აცხადებს, რომ ირანი „თითქმის დასრულების პირასაა" და ამის მიუხედავად აანონსებს, რომ ოპერაცია სწრაფად ვერ დასრულდება. დაღუპულთა და დაშავებულთა რიცხვი დღითიდღე იზრდება. ომის დასრულების ვადებსა და შედეგებზე კი ექსპერტების მოსაზრებები განსხვავებულია.

„ქართულ ოცნებაში" მიაჩნიათ, რომ ოპოზიციური ძალების მცდელობა ერთიან ალიანსად ჩამოყალიბდნენ უფრო პოლიტიკური შოუს შთაბეჭდილებას ტოვებს. პარლამენტის თავმჯდომარე შალვა პაპუაშვილი საზოგადოებას „პოპორნის მომარჯვებას" ურჩევს. ამის პარალელურად მედიით გავრცელდა ინფორმაცია, რომ ალიანსში მომხდარი შიდა კონფლიქტის გამო, შესაძლოა თანამდებობიდან გადაგდეს ენმ-ის თავმჯდომარე, რაც შემდგომ თინა ბოკუჩავამ უარყო და „პროპაგანდისტული ბოდვა" უწოდა.

თურქეთის პრეზიდენტი რეჯეფ ტაიფ ერდოღანი მესამე სოფლიო ომის საშიშროებაზე მიანიშნებს - მისი შეფასებით, თუ ირანში "უაზრო, წესების დაცვს გარეშე მიმდინარე ომი გაგრძელდება", რეგიონს მთლიანად "ცეცხლის ალში გახვევს" და არა მხოლოდ ომში ჩართულ ქვეყნებს, არამედ მთელს მსოფლიოს მოუწევს ამ კონფლიქტის ფასის გადახდა.

ეუთო-ს საპარლამენტო ასამბლეა აცხადებს, რომ საქართველოში პოლიტიკურ ძალებს შორის დიალოგის არარსებობა ქვეყნის სტაბილურობასა და პრობლემების მოგვარებას აფერხებს - განცხადებას უკვე მოჰყვა განსხვავებული პოლიტიკური შეფასებები როგორც ოპოზიციიდან, ისე მმართველი გუნდიდან.

შიდა პოლიტიურ სივრცეში ხელისუფლებასა და ოპოზიციას შორის დიალოგის აუცილებლობა კვლავ აქტუალური თემა ხდება. პოლიტიკური პოლარიზაციის ფონზე, მხარეებს შორის შესაძლო მოლაპააკება დემოკრატიული პროცესებისა და კრიზისული საკითხების გადაჭრის ერთ-ერთ მნიშვნელოვან გზად განიხილება ეუთო-ს საპარლამენტო ასამბლეის დელეგაციის მხრიდანაც, რომელიც საქართველოს 8-10 მარტს სტუმრობდა.

ანალიტიკოსი პეტრე მამრაძე მიიჩნევს, რომ მულტივექტორულობა არსებულ საგარეო-პოლიტიკურ ვითარებაში ერთადერთი სწორი საგარეო კურსია. ამერიკასთან სტრატეგიული ურთიერთობებზე საუბრისას ამბობს, რომ ამ საკითხის პედალირების დრო ახლა, როცა ჩვენი საზღვრების სიახლოვეს ორი დიდი ომი მიდის, საჭირო არ არის.

ოპოზიციურ ალიანსში აურზაურია. ერთმანეთს ფედერალისტების ლიდერი თამარ ჩერგოლეიშვილი და ენმ-ს წევრი პეტრე ცისკარიშვილი დაუპირისპირდნენ. როგორც ჩანს, 8-დღიან ერთობას, რომელსაც რამდენიმე თვეა ოპოზიციონერები აანონსებდნენ, არც ისე მყარი ფუნდამენტი აქვს.

ირანის ახალი სულიერი ლიდერის, მოჯთაბა ხამენეის არჩევას აზერბაიჯანთან ერთად საქართველოს მთავრობაც ულოცავს და მშვიდობას უსურვებს. ამას ზოგი ჩვეულებრივ პროტოკოლურ მილოცვად უყურებს, სხვები კი ამბობენ, რომ ხელისუფლების ქმედებები უნდა იყოს ფრთხილი, „თუმცა ღირსებაც უნდა დავიცვათ". ოფიციალური ბაქო კი ირანისთვის ჰუმანიტარულ დახმარებს აგზავნის.

იცოდით, რომ მსხვილმა მეწარმეებმა თურმე „იმდენი იბძრძოლეს“, რომ ბაზრიდან პატარა მეწარმეები გააძევეს? მეტიც, დისტრიბუტორებს ერთმანეთში ომი აქვთ გაჩაღებული „ქეშბექების“ სახით და ასე ძირავენ კონკურენტებს. დიახ, არ ვაჭარბებთ, ამის შესახებ პარლამენტის დროებითი კომისიის სხდომაზე, საცალო ქსელების ოპერატორებმა ისაუბრეს. მართალია, არც „ზღაპარი“, არც „უნივერსამი“ და არც „გუდვილი“ მსხვილი სავაჭრო ქსელი არ არის და კომისიის საბოლოო გადაწყვეტილებამდე ჯერ კიდევ დიდი დროა დარჩენილი, თუმცა ერთი რამ ზუსტად ვიცით - მწარმოებლებიც, დისტრიბუტორებიც და სავაჭრო ქსელების წარმომადგენლებიც ხელს ერთმანეთისკენ იშვერენ. 

გლობალური დაძაბულობის მიუხედავად, საქართველოში უძრავი ქონების ბაზარზე ფასები ჯერჯერობით ნარჩუნდება, თუმცა როგორც სფეროს წარმომადგენლები ამობობენ, თუ ახლო აღმოსავლეთის კონფლიქტი გახანგრძლივდება, მაშინ დიდი ალბათობით, უძრავი ქონების ბაზარზე დადებითი გავლენაც კი ექნება, რაც მოთხოვნა-მიწოდების ზრდაში აისახება. ყველაფერი მაინც მიგრანტთა ნაკადის შემოსვლაზეა დამოკიდებული, რაც კონფლიქტის გაგრძელების შემთხვევაში გარდაუვალი იქნება.

ევრობიუროკრატია მორიგ ჯერზე დამარცხდა საქართველოში. უკვე ცნობილია, რომ ევროკავშირის სანქციების მე-20 პაკეტიდან ყულევის ნავთობტერმინალი ოფიციალურად ამოღებულია. ექსპერტებს ეჭვიც არ ეპარებოდათ, რომ ეს ასეც იქნებოდა, რადგან სანქციების გვერდის ავლით ტვირთების გადაზიდვის არც ერთი ფაქტი არ დაფიქსირებულა საქართველოში, მით უმეტეს, ყულევის ტერმინალში.

ნედლი ნავთობის ფასი ზრდას განაგრძობს. მსოფლიო ბაზარზე ერთი ბარელი ნავთობის ფასმა 100 დოლარს გადააჭარბა. პარალელურად, საუბარია თხევადი აირის გაძვირებაზეც. როგორც სპეციალისტები ამბობენ, თუ ახლო აღმოსავლეთში მიმდინარე სამხედრო დაპირისპირების დროული შეჩერება ვერ მოხდება, მდგომარეობა კიდევ უფრო გართულდება. საწვავმა უკვე გაძვირება საქართველოშიც დაიწყო.

საქართველოს 4 კომერციული ბანკი ჩინეთის ბანკთაშორის საგადახდო სისტემაში გაწევრიანებას იწყებს. ეს არის CIPS-ი, რომელიც  განკუთვნილია როგორც ჩინური, ისე უცხოური ბანკებისთვის, რათა მათ უსაფრთხოდ და ეფექტიანად განახორციელონ იუანით ტრანზაქციები გლობალურ დონეზე. სპეციალისტები გადაწყვეტილებას დადებითად აფასებენ და ფიქრობენ, რომ გაწევრიანება სწორი ნაბიჯი და თავის დაზღვევის ერთ-ერთი მექანიზმია, რა თქმა უნდა იმ შემთხვევაში, თუკი "სვიფტის"  მსგავს სისტემებზე სამომავლოდ რაიმე დაბრკოლება გაჩნდება. 

დაანონსებული ერთობიდან მალევე, რამდენიმე დღეში, ოპოზიციაში განხეთქილებამ თავი ისევ იჩინა. ენმ-ს წევრმა პეტრე ცისკარიშვილმა და ფედერალისტების ლიდერმა თამარ ჩერგოლეიშვილმა ერთმანეთს ლამის აგინეს ფეისბუქზე. ამ ფონზე ენმ შემრიგებლ განცხადებას ავრცელებს, სადაც წერია, რომ ოპოზიციის შეიგნით ყოველგვარ თავდასხმაზე მორატორიუმს აცხადებენ.

ისრაელმა ირანის დედაქალაქ თეირანში დარტყმების მეორე ტალღა დაიწყო. მათი სამიზნეები სამეთაურო ცენტრებია. ირანი კი აცხადებს, რომ „ყველაზე ინტენსიური და ძლიერი ოპერაცია" დაიწყეს. რეგიონში შიშობენ, რომ თუ ომი სწრაფად არ დასრულდება, მსოფლიო ეკონომიკაზე მკვეთრად უარყოფითად აისახება.

ირანის ისლამური რევოლუციის გუშაგთა კორპუსმა" ისრაელისა და აშშ-ის სამიზნეების წინააღმდეგ „ყველაზე ინტენსიური ოპერაცია" დაიწყო, მეორეს მხრივ, ისრაელის დარტყმებიც ინტენსიურია. ამ ფონზე ჩნდება კითხვები, სადამდე შეიძლება კონფლიქტი გაგრძელდეს.