~

„ნაციონალური მოძრაობის" პოლიტსაბჭოს თავმჯდომარეს, დაკავებულ ლევან ხაბეიშვილს, ბრალი უკანონო ქმედების ჩასადენად მოხელისათვის ქრთამის დაპირებისა და სახელმწიფო ხელისუფლების დამხობისაკენ საქვეყნოდ მოწოდების მუხლებით წარედგინა. ოპოზიციაში აცახდებენ, რომ რეჟიმს 4 ოქტომბრის ეშინია, მმართველ პარტიაში კი ყურადღებას სამართლებრივ ასპექტებზე ამახვილებენ. რა დგას ხაბეიშვილის დაკავების უკან და რა ელოდებათ სხვა ლიდერებს, რომლებიც რამდენიმე თვეა რევოლუციურ სცენარებზე საუბრობენ - ამაზე ექსპერტებს განსხვავებული შეფასებები აქვთ.

ორი უკრაინელიდან, რომლებსაც საქართველოში ასაფეთქებელი ნივთიერება შემოჰქონდათ, ერთი ბრალს ნაწილობრივ აღიარებს. სუს-ის ინფორმაციით, სატვირთო ავტომანქანის მძღოლს უკრაინაში ასაფეთქებელი ნივთიერება გადასცეს ადგილობრივი სპეცსამსახურის, ე.წ. „ესბეუს" თანამშრომლებმა. მმართველ პარტიაში ამას ოპოზიციის მიერ დაგეგმილ 4 ოქტომბრის აქციას უკავშირებენ.

საქართველოში იპოთეკური სესხების განაკვეთი იზრდება. 2025 წლის ივლისის განმავლობაში გაცემული კრედიტების საშუალო საპროცენტო განაკვეთი ლარში 13.08%-ს შეადგენდა, რაც წინა წლის ანალოგიურ პერიოდთან შედარებით 1.28%-ით მეტია. ეს ნიშნავს, რომ ბანკები რამდენიმე მიმართულებით აზღვევენ თავიანთ რისკს.

პალესტინის სახელმწიფოს აღიარება სულ უფრო რეალური ხდება - 13 სექტემბერს გაერო-ს გენერალურმა ასამბლეამ დიდი უმრავლესობით მიიღო დეკლარაციას, რომელიც ისრაელი-პალესტინის კონფლიქტის „ორი სახელმწიფოს პრინციპით" დასასრულებლად „ხელშესახებ და შეუქცევად ნაბიჯებს" ითვალისწინებს. ისრაელი და აშშ კვლავ ბოიკოტის რეჟიმში რჩებიან იმ არგუმენტით, რომ დოკუმენტი მშვიდობის მოლაპარაკებებს აზარალებს. რა წერია დეკლარაციაში და როგორ აისახება ეს რეგიონში მიმდინარე პროცესებზე?

13 სექტემბრისა და 4 ოქტომბრის აქციების ერთ-ერთი ორგანიზატორი, ლევან ხქბეიშვილი დაკავებულია, რომელსაც ხელისუფლება „მშვიდობიანი რევოლუციით" უნდა შეეცვალა. ამის ფონზე მისი პარტიელები აქტიურდებიან და იმედი აქვთ, რომ ხაბეიშვილისა და მურთაზ ზოდელავას დაკავება ხალხს აიძულებს ქუჩაში გამოვიდნენ. ანალიტიკოსები არ გამორიცხავენ, რომ 13 სექტემბერს, დაპირისპირება ფიზიკურ შეხლა-შემოხლაში გადაიზრდება

სუს-მა ხმაურით დააკავა „ნაცმოძრაობის" ლიდერი, ლევან ხაბეიშვილი და პარტიის წევრი, მურთაზ ზოდელავა. ასევე დაკავებულია თავდაცვის ექსმინიტრი, ჯუანშერ ბურჭულაძე, რომელიც ექსპრემიერ ირაკლი ღარიბაშვილის უახლოესი თანამებრძოლი იყო. საქმე ეხება ქრთამის საჯაროდ დაპირებას, ძალადობას, ქონების გადამალვას და სხვა ბრალდებებს. განსაკუთრებით დიდი ვნებათათელვა გამოიწვია „ნაცმოძრაობაში", რომლებიც ხალხს 4 ოქტომბერს ქუჩაში გამოსვლისკენ მოუწოდებენ.

მიღებული ოპერატიული ინფორმაციის საფუძველზე, სუს-მა და შინაგან საქმეთა სამინისტრომ, ჩატარებული საგამოძიებო მოქმედებების შედეგად, უკრაინის ორი მოქალაქე დააკავა. გამოძიების მტკიცებით, მათ ფარულად ასაფეთქებელი ნივთიერება ჰექსოგენი შემოჰქონდათ. ანალიტიკოსები სავარაუდო დაგეგმილ ტერაქტზე საუბრობენ და აღნიშნავენ, რომ მთვარია დადგინდეს, ვინ უწყობდა ხელს საქართველოდან.

ოთხშაბათს, იუტას ველის უნივერსიტეტში გამართულ ღონისძიებაზე, აშშ-ში ცნობილი კონსერვატორი აქტივისტისა და პრეზიდენტ დონალდ ტრამპის ერთგული მოკავშირის, ჩარლი კირკის მკვლელობას ქართულ პოლიტიკურ სპექტრშიც დიდი გამოხმაურება მოჰყვა. მმართველ პარტიაში აცხადებენ, რომ მომხდარი საზარელი მკვლელობა ფსევდოლიბერალური ფაშიზმის გამოვლინებაა. რას ამბობენ მმართველ გუნდში და როგორია ექსპრტების შეფასება და პროგნოზები მომხდარზე.

ჰელსინკის კომისიის სხდომაზე სენატორ სტივ კოენის მიერ გაკეთებული განცხადება, რომ სენატმა „მეგობარი აქტი" არ მიიღო და არც მიიღებს, ქართულ პოლიტიკურ სპექტრში განხილვის ეპიცენტრში აღმოჩნდა. ოპოზიციაში ამტკიცებენ, რომ საუბარია მხოლოდ პროცედურულ შეფერხებაზე და აქტს კვლავ ორპარტიული მხარდაჭერა აქვს. მმართველი გუნდი კი აცხადებს, რომ მზად არის აშშ-სთან ურთიერთობა „სუფთა ფურცლიდან" დაიწყოს. რა განცხადებები გაკეთდა სხდომაზე და ვინ ჩაკლა „მეგობარი აქტი".

პრემიერი ირაკლი კობახიძე მედიასთან ქვეყანაში მიმდინარე პროცესებს აფასებს და ისევ გარე ჩარევებსა და ოპოზიციის „ანტისახელმწიფოებრივ ქმედებებზე" საუბრობს. იმედი აქვს, რომ აშშ-სთან ურთიერთობები გადაიტვირთება. ასევე, რამდენიმე დღის წინ მელიქიშვილის გამზირზე მომხდარ ინციდენტზეც ამახვილებს ყურადღებას და აცხადებს, რომ ყველანაირ ძალადობას გმობს.

ადგილობრივი თვითმართველობის არჩევნებამდე ერთ თვეზე ნაკლებია დარჩენილი და მასში მონაწილე პარტიები აქტიურად ემზადებიან. ანალიტიკოსები „რეზონანსთან" მათ წინასაარჩევნო კამპანიებს აფასებენ და ამბობენ, რომ ზოგიერთი მათგანის დაპირებები საერთოდ აცდენილია რეალობას.

ბათუმში ქაოსური განაშენიანება გრძელდება, რაც ადგილობრივი მაცხოვრებლებისთვის პრობლემაა. ტურისტული ქალაქი გასართობ სივრცედ იქცა. ქალაქში ცხოვრებასა და დასვენებაზე მოთხოვნამ საგრძნობლად იმატა, გაიზარდა მოსახლეობის ოდენობაც. მართალია, ადგილობრივებისთვის ტურისტული სეზონი შემოსავლის წყაროა, მაგრამ მუდმივი ქაოსი და სიმჭიდროვე მათთვის უკვე აუტანელია. 

საქართველოში ყოველ მეორე ადამიანს ავტომობილი ჰყავს. ქვეყანაში ერთი თვის განმავლობაში რეგისტრირებული მანქანების ოდენობა 16 ათასით გაიზარდა და თითქმის 2 მილიონს მიაღწია. `რეზონანსი” შეეცადა გაერკვია, სადამდე შეიძლება მივიდეს მდგომარეობა და შესაძლებელია თუ არა ამ პრობლემის დარეგულირება. 

ოქროს ღირებულებამ ისტორიულ მაქსიმუმს მიაღწია. მსოფლიოში მიმდინარე პროცესების პარალელურად მისი ფასი სულ უფრო მატულობს. როგორც სპეციალისტები ფიქრობენ, ძვირფასი ლითონის ღირებულება კიდევ უფრო გაიზრდება და შესაძლოა, 4 000 დოლარსაც კი გადააჭარბოს. 

საქართველოში დიდი ჰესების აშენებაზე აღარავის საუბრობს. ამ თემის გარშემო საკითხი თითქოს გაჩერებულია და არც ძველ და დაწყებულ პროექტებს ახსენებს ვინმე. ბოლო წლებში ქვეყანას ბევრი დაპაუზებული პროექტი და არაერთი გაქცეული ინვესტორი უნახავს, სწორედ ამის გამო ენერგეტიკოსები მიიჩნევენ, რომ სახელმწიფო ჰესების მშენებლობაში აქტიურად უნდა ჩაერთოს და ამისათვის ყველანაირი რესურსი უნდა გამონახოს. 

საქართველოში უმუშევრობის დაზღვევის თემა კვლავ გააქტიურდა. დაზღვევის ეს ფორმა დასავლეთში აპრობირებული გახლავთ. ჩვენთან ამ სტანდარტის შემოღებაზე ხშირად საუბრობდნენ, მაგრამ კონკრეტული ქმედითი ნაბიჯები დღემდე არ გადადგმულა. ახლა კი, როგორც დამსაქმებელთა ასოცოაციის დირექტორმა გოგა დონდუამ განაცხადა პარლამენტი საკითხზე მუშაობს და ბიზნესის წარმომადგენლებთან კონსულტაციებსაც გადიან. 

საქართველოში დემოგრაფიული მდგომარეობა საგანგაშო ნიშნულს აღწევს -2025 წელს ისევ უარყოფითი ბუნებრივი მატება დაფიქსირდა: 2025 წლის იანვარ-ივნისში ქვეყანაში 17 719 ბავშვი დაიბადა, ხოლო 22 718 ადამიანი გარდაიცვალა. რა მიზეზები დგას ამ სტატისტიკის უკან და რა ნაბიჯები უნდა გადადგას სახელმწიფომ?

საფრანგეთში ანტისამთავრობო პროტესტების მასშტაბურმა ტალღამ ქვეყნის ქუჩები ცრემლსადენ გაზსა და ცეცხლის ალში გახვია. ასობით დაკავება, ათიათასობით პოლიციელი და დემონსტრანტი მსოფლიოს ყურადღების ცენტრშია, პროტესტანტების მთავარი მოთხოვნა კი პრეზიდენტ ემანუელ მაკრონის გადადგომა და მისი პოლიტიკის შეცვლაა. რა ხდება საფრანგეთის ქუჩებში და რამ გამოიწვია ფრანგების უკმაყოფილება?

რუსეთის მიერ უკრაინაზე განხორციელებული მასშტაბური თავდასხმის დროს, დრონები პოლონეთის საჰაერო სივრცეში შეიჭრნენ და ვარშავამ დაუყოვნებლივ ნატო-ს მე-4 მუხლის ამოქმედება მოითხოვა. თავდასხმის გამო დედაქალაქში მდებარე ორი აეროპორტი დაიხურა.