პრეზიდენტის და პარლამენტის თავმჯდომარის ყოველწლიური მოხსენება გადაიდო, შალვა პაპუაშვილი ანგარიშს პირველ სასესიო კვირის ნაცვლად, სავარაუდოდ მარტის პირველ კვირაში წარადგენს, ხოლო მიხეილ ყაველაშვილს დეპუტატები 3-ის ნაცვლად 17 თებერვალს მოუსმენენ.

„ნაციონალური მოძრაობის" პოლიტსაბჭოს თავმჯდომარე, პატიმრობაში მყოფი ლევან ხაბეიშვილი ოპოზიციას დიალოგს ურჩევს, "დასხედით და დაელაპარაკეთ თუ პატიმრებს გამოუშვებენო". ანალიტიკოსი გია აბაშიძე ფიქრობს, რომ დღევანდელ ოპოზიციასთან დებატები არასერიოზულია და ხელისუფლებამ ეს არ უნდა დაუშვას.

„ბლუმბერგის“ შეფასებით, ამერიკული დოლარი ბოლო ერთი წლის განმავლობაში, 10.7%-ით გაუფასურდა. აშშ-ის პრეზიდენტმა, დონალდ ტრამპმა კი დოლარის დინამიკა სათამაშო „იო-იო“-ს შეადარა, რომელიც მიფრინავს და ელასტიური ლენტით ისევ პატრონს უბრუნდება. ფაქტია, რომ ტრამპი ამ „ლენტის მოჭიმვას“ არ აპირებს და ბაზარმაც პრეზიდენტის განცხადება ისე აღიქვა, რომ აშშ-ის ადმინისტრაცია დოლარის შეკავებას არ აპირებს, რითაც ტრეიდერებს „მწვანე შუქი“ აუნთეს. შედეგი კი დოლარის გაუფასურებაა, რასაც საერთაშორისო ბაზრებზე ოქროსა და ვერცხლის მკვეთრი გაძვირება მოჰყვა.

ინფორმაცია საქართველოს ტექნიკური (სტუ) და თბილისის სახელმწიფო უნიერსიტეტების (თსუ) გაერთიანებაზე სტუდენტების, პროფესორებისა და ექპსერტებისთვის მოულოდნელი აღმოჩნდა და მათაც განათლების მინისტრის საგანგებო ბრიფინგიდან გაიგეს. გივი მიქანაძის თქმით, გადაწყვეტილება უმაღლესი სასწავლებლების რექტორებთან წინასწარი კონსულტაციების საფუძველზე მიიღეს. როგორც ირკვევა, ტექნიკური უნივერსიტეტის რექტორმა ამაზე ინფორმაცია მხოლოდ წინა დღით შეიტყო.

თვეების განმავლობაში ხელმისაწვდომი ინფორმაციის შემდეგ, საემიგრაციო სამსახურის აგენტების მინაცემები META-ს საკუთრებაში არსებულ პლატფორმებზე - ინსტაგრამზე, ფეისბუქსა და ტრედზე - მოულოდნელად დაიბლოკა.

„ჩვენ ვზღუდავთ გარკვეულ აქტივობებს ჩვენი საზოგადოების დასაცავად", - ნათქვამია ინსტაგრამის განცხადებაში.„შეგვატყობინეთ, თუ ფიქრობთ, რომ შეცდომა დავუშვით".

პარლამენტში ინიცირებული საკანონმდებლო ცვლილებების პაკეტი, რომელიც გრანტებსა და პოლიტიკურ საქმიანობას მკაცრ კონტროლს უწესებს, ქვეყანაში მწვავე პოლიტიკურ და საერთაშორისო რეაქციებს იწვევს - მმართველი გუნდი ცვლილებებს სუვერენიტეტის დაცვის აუცილებლობით ხსნის, ხოლო ოპოზიცია და დასავლელი პარტნიორები მას ავტორიტარიზმისკენ გადადგმულ ნაბიჯად აფასებენ.

ერთი სახელმძღვანელოს პრინციპი, მე-11 კლასში რეპეტიტიუმის შექმნა და პირველკლასელებისთვის სწავლის დაწყება 6 წლიდან - განათლების სისტემაში ახალი ცვლილებები იგეგმება. განათლების, მეცნიერებისა და ახალგაზრდობის მინისტრის, გივი მიქანაძის განცხადებით, მომავალ კვირას რეფორმები დაჩქარებული წესით იქნება განხილული.

ჰელსინკის კომისიამ საქართველოს შესახებ 28 იანვარს დაგეგმილი ბრიფინგი გადადო უამინდობის მიზეზით - ამის შესახებ ბრიფინგამდე საათებით ადრე თავად კომისიამ დაწერა. საქართველოს ხელისუფლება აცხადებს, რომ "ვაშინგტონში მზიანი ამინდია", თუმცა არაა გამორიცხული, რომ კონკრეტულ ლოკაციაზე "ამინდი ცუდია".

აშშ-ს კონგრესის თანამშრომელთა დელეგაცია საქართველოს ეწვია. თბილისში ამერიკის საელჩოს ინფორმაციით, ისინი შეხვდებიან საქართველოს ოფიციალურ პირებს და ოპოზიციის ლიდერებს, ასევე ეწვევიან დევნილთა დასახლებას წეროვანში, საქართველოში არსებული ვითარების გაცნობის მიზნით.

ჰელსინკის კომისია 28 იანვარს საქართვლოში არსებული ვითარების შესახებ ბრიფინგს გამართავს. ოპოზიციის განცხადებებში იკითხება, რომ დიდია მოლოდინი ამ მოსმენასა და მის შედეგებზე, თუმცა, ანალიტიკოსები უფრო რეალისტურად არიან განწყობილი და მიაჩნიათ, რომ ეს რაიმე ხელშესახებ ცვლილებებს არ გამოიწვევს.

იმ ფონზე, როდესაც ოპოზიციური პარტიების ნაწილი ახალ ერთობაზე საუბრობსა და შესაბამის დოკუმენტს ამზადებს, ოპოზიციური ფლანგზე კიდევ ერთი პოტენციური ალიანსის კონტურები იკვეთება. ექსპრემიერ გიორგი გახარიას პარტიაში აცხადებენ, რომ მათ თავისი დამოუკიდებელი გზა აქვთ, თუმცა, თუ ვინმესთან თანამშრომლობას განიხილავენ, ეს მხოლოდ „ლელო" იქნება.

კორუფციის ბრალდებით ყოფილი მაღალჩინოსნების დაკავება გრძელდება. ფინანსთა სამინისტროს საგამოძიებო სამსახურმა ამჯერად ჯანდაცვის მინისტრის ყოფილი მოადგილე ილია ღუდუშაური დააკავა. რას ნიშნავს ეს ახალი დაკავება და შეგვიძლია თუ არა ვისაუბროთ კორუფციული სკანდალებისა და ყოფილ მაღალჩინოსანთა დაკავებების ახალ ტალღაზე?

სურსათის ფასების პარალელურად მთავრობა მედიკამენტების ფასის რეგულირებაზე მუშაობას აგრძელებს. უნდა აღინიშნოს ის გარემოებაც, რომ ფარმაცევტულ ინდუსტრიაში ფასების კლების ტენდენციაზე ადრეც საუბრობდნენ, გარკვეული ცვლილებაც განხორციელდა, მაგრამ საზოგადოებისათვის ამან გადამწყვეტი შედეგი ვერ გამოღო. ამიტომაც, პრემიერის ინიციატივით ფარმაცევტული კომპანიების წარმომადგენლებთან კონკრეტული შეხვედრა გაიმართა. მას 25 ფარმაცევტული კომპანიის წარმომადგენელი დაესწრო. 

მართალია, გასულ წელს, საცხოვრებელი ბინების გაყიდვები 11%-ით გაიზარდა, მაგრამ მხოლოდ ძველ პროექტებში. სწორედ ამგვარი ტენდენცია ჩანს „თიბისი კაპიტალის“ ბაზრის მიმოხილვის მიხედვით. ექსპერტების ნაწილი ამ ფაქტს იმით ხსნის, რომ მყიდველი სხვადასხვა ფაქტორს ითვალისწინებს - ბინის მდგრადობას, არის თუ არა ავარიული და სად მდებარეობს. იქიდან გამომდინარე, რომ ცენტრალურ უბნებში ახალი კორპუსების მშენებლობები თითქმის არ არის, ცხადია, ეს ზრდის მოთხოვნას ძველ აშენებულ ბინებზე. ამ მოსაზრებას არ იზიარებს ექსპერტთა მეორე ნაწილი, რადგან მათი აზრით, მოსახლეობა ძველ აშენებულ ბინებს უფრო ენდობა, ვიდრე ახლადაშენებულს. 

პრემიერ-მინისტრ ირაკლი კობახიძის ინიციატივის ფარგლებში, რომელიც სურსათის, მედიკამენტებისა და საწვავის ფასების შემცირებას უკავშირდება, საპარლამენტო კომისიაც ამუშავდება. სამთავრობო კომისიის პარალელურად, უკვე მომავალი კვირიდან, მუშაობას დაიწყებს საპარლამენტო კომისიაც, რომელსაც გავრცელებული ინფორმაციით, ფრაქცია „ქართული ოცნების“ თავმჯდომარის მოადგილე, შოთა ბერეკაშვილი უხელმძღვანელებს. 

გლობალურ ბაზრებსა და უკვე საქართველოშიც ოქროს ფასი მკვეთრად გაიზარდა, თანაც ოქროსთან შედარებით, მისი გაძვირების მასშტაბი გაცილებით სწრაფია. თუკი ერთწლიან ჭრილში ოქრო დაახლოებით 150%-ით არის გაძვირებული, ვერცხლის შემთხვევაში ეს მაჩვენებელი 600%-ს შეადგენს. სპეციალისტები ვარაუდობენ, რომ ტენდენცია გაგრძელდება.

მეორადი საბურავების უტილიზაციის საკითხი კვლავ გამოწვევაა, რასაც რეგულაციითაც ვერ აგვარებენ. დიდი ცდელობის მიუხედავად, ნარჩენი საბურავების გადამუშავება ვერ ხერხდება, რაც, თავის მხრივ, ეკოლოგიური პრობლემის მოგვარებას აფერხებს და ქვეყნისთვის დიდი გამოწვევაა.

აფხაზური მხარე ამტკიცებს, რომ ბრიტანელი მოქალაქე ჯაშუშობის გამო დააკავეს და „გააძევეს საქართველოში". მათივე მტკიცებით, აფხაზეთში არსებული კავშირებისა და კონტაქტების გამოყენებით, მან შეიმუშავა პროექტი, რომელიც საშუალებას აძლევდა მიეღო ინფორმაცია „რესპუბლიკაში" რუსული და აფხაზური სამხედრო ობიექტებისა და სხვა ინფრასტრუქტურის ადგილმდებარეობის შესახებ. რამდენად რეალურია ეს და ვინ არის ეს ადამიანი სინამდვილეში?

ევროპა ახალ რეალობას უნდა მოერგოს, - ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, კაია კალასმა ევროპის თავდაცვის სააგენტოს კონფერენციაზე სიტყვით გამოსვლისას განაცხადა.

პოლონეთის საგარეო საქმეთა მინისტრი, რადოსლავ სიკორსკი ილონ მასკს მოუწოდებს, რუსეთს Starlink-ის სატელიტურ ინტერნეტ სერვისზე წვდომა შეუწყვიტოს. ამას მასკი უკვე გამოეხმაურა და განაცხადა, რომ „ეს დორბლიანი იმბეცილი ვერც კი ხვდება, Starlink-ი უკრაინის სამხედრო კომუნიკაციების ხერხემალია".