პროსახელისუფლებო „ერთიანი ნეიტრალური საქართველო" „ოცნებას" ევროკავშირში გაწევრიანების საკითხზე რეფერენდუმის ჩატარებისკენ მოუწოდებს. ორგანიზაცია აქცენტს აკეთებს ევროკავშირის მიერ ახლახანს მიღებულ 2026-2030 წლების ლგბტქ ახალ სტრატეგიაზე, რომელიც, მათი შეფასებით, საქართველო-ევროკავშირის ურთიერთობებში „მკაფიო წითელი ხაზია".

სენატმა „მეგობარი აქტს" მწვანე შუქი არ აუნთო - აშშ-ის ეროვნული თავდაცვის აქტში, რომელიც სენატმა დაამტკიცა, „მეგობარი აქტის" შესახებ ჩანაწერი აღარ იძებნება. ნიშნავს თუ არა ეს ამ აქტის მიღების საბოლოოდ ჩავარდნას, რთული სათქმელია, თუმცა მმართველი გუნდი, რომელიც უკვე რამდენიმე თვეა აშშ-ს ხელისუფლებას ურთიერთობის გადატვირთვას სთხოვს, ამ ცნობამ ოპტიმისტურად განაწყო.

სუპერმარკეტებში პროდუქციის მოსახვედრად სხვადასხვა სახის გადასახადი მოქმედებს, რაც განსაკუთრებულ პრობლემას წარმოადგენს ადგილობრივი წარმოებისთვის. მრავალგვარი და მაღალი გდასახადების გამო მეწარმეების ნაწილს საკუთარი პროდუქციის მაღაზიებში განთავსება არ უღირთ, ხოლო ვისაც ამის შესაძლებლობა გააჩნია, გადასახადებს საკვების ფასში სახავს. ამიტომაცაა, რომ დახლებზე ძირითადად იმპორტირებული პროდუქციაა წარმოდგენილი. 

პარასკევს რუსეთის მიერ განხორციელებულ მასიურ სარაკეტო და დრონების თავდასხმამ უკრაინის ნაწილი ელექტროენერგიის გარეშე დატოვად, დაშავებულია 20 ადამიანი, მათ შორის დაღუპულია ერთი ბავშვი. პრეზიდენტი ვოლოდიმირ ზელენსკი დარტყმას „ცინიკური თავდასხმას" უწოდებს და დასავლეთს რეალური ქმედებებისკენ მოუწოდებს.

4 ოქტომბერს, გამართული აქციისა და პრეზიდენტის სასახლეში შეჭრის შესახებ პასუხისმგებლობას ყველა ერთმანეთს აკისრებს. მმართველ პარტიაში ხელს ოპოზიციასა და „ენჯეოებს" ადებენ. ხელისუფლების ოპონენტებში კი აზრთა სხვადასხვაობაა - ნაწილი ყველაფერს ექსპრეზიდენტ, მიხეილ სააკაშვილსა და მის პარტიის წევრებს აბრალებს. ზოგიც კი ადგილობრივ არჩევნებში მონაწილე „ლელოსა" და „გახარია-საქართველოსთვის" აკრიტიკებს.

4 ოქტომბრის საქმეზე ამ დრომდე დაჭერილია 46 პირი. 4-ზე კი ძებნაა გამოცხადებული, შსს-ს ბოლო ინფორმაციით, მიმდინარე სისხლის სამართლის საქმეზე გამოძიების ფარგლებში კიდევ ერთი ადამიანი, გ.ქ. დააკავეს. უწყებაში ამტკიცებენ, რომ დაკავებულთა წინააღმდეგ არსებობს ვიდეოკადრები, რომელიც ასახავს ათონელის რეზიდენციასთან განვითარებულ მოვლენებს.

მას შემდეგ, რაც 4 ოქტომბრის მშვიდობიანი დამხობის მცდელობა ფიასკოთი დასრულდა, იმ ოპოზიციონერთა ნაწილი, რომლებიც ხალხს ქუჩაში გამოსვლისკენ მოუწოდებდა, ახლა აქციის ორგანიზატორების შეცდომებზე საუბრობს. მმართველ გუნდში კი აცხადებენ, რომ „ნიანგის ცრემლები" ვერ გადაარჩენს დამნაშავეებს პასუხისმგებლობისგან და ყველა, ვინც ქვეყანაში დესტაბილიზაციის მცდელობას ახორციელებდა, კანონის შესაბამისად დაისჯება.

პარლამენტის თავმჯდომარემ, შალვა პაპუაშვილმა 4 ოქტომბრის მოვლენები შეაფასა და გარე ჩარევებზე ისაუბრა. როგორც ბრიფინგზე აღნიშნა, ხელისუფლებამ მოახერხა სახელმწიფოს ძალადობრივი გზით შეცვლის მცდელობა აღეკვეთა. პაპუაშვილი მომხდარ და მიმდინარე პროცესებზე პასუხისმგებლობას პოლიტიკურ ჯგუფებსა და „ენჯეოებს" აკისრებს.

უწყვეტი პროტესტში მონაწილე აქტვისტები ჩავარდნილი „მშვიდობიანი რევოლუციის" შემდეგ სულ უფრო აქტიურად უტევენ და აკრიტიკებენ პოლიტიკურ პარტიებს. ანალიტიკოსთა შეფასებით, 4 ოქტომბრის მოვლენების გამო ოპოზიციის სრული დისკრედიტაციის ფონზე, შესაძლოა ქუჩის აქტივისტები პოლიტიკური ველიდან პარტიების ჩაჩოჩებას და წინა პლანზე გამოსვლას ცდილობენ.

პარტიები „გახარია საქართველოსთვის" და „ლელო" დანარჩენ ოპოზიციას მკვეთრად უპირისპირდებიან და მათთან ყველანაირ თანამშრომლობას გამორიცხავენ. ამასთან, მათი განცხადებებიდან ჩანს, რომ მათი წარმომადგენლები 4 ოქტომბრის არჩევნების შედეგად საკრებულოებში მოპოვებულ ადგილებს დაიკავებენ. ექსპრემიერის პარტია კი, დიდი ალბათობით, პარლამენტში შევა, რადგან, სხვა ბარიერგადალახული პარტიებისგან განსხვავებით, მათ თავისი სია არ გაუუქმებიათ.

4 ოქტომბრის მოვლენებისა და ოპოზიციის სერიოზული კრახის ფონზე, პოლიტიკური პარტიები გამოსავლის ძიებაში არიან და უკვე გაკეთდა პირველი განცხადება შესაძლო ახალ პოლიტიკურ ალიანსზე. ამის შესახებ განცხადება „ფედერალისტების" ერთ-ერთმა ლიდერმა თამარ ჩერგოლეიშვილმა გააკეთა და ალიანსის პოტენციური წევრი 5 პარტიაც დაასახელა.

ჯანდაცვის სექტორში ფასების ზრდა კორუფციის ეჭვს ტოვებს. სახელმწიფოს მხრიდან არაერთი დაპირების მიუხედავად, რომ კლინიკებისა და ფარმაციის ბიზნესი რეალურად ვერ კონტროლდება. ერთადერთი გამოსავალია, კლინიკების მართვაში სახელმწიფოს როლის გაძლიერდეს და კერძო ბიზნესი წილი შემცირდეს. წინააღმდეგ შემთხვევაში, მდგომარეობა კიდევ უფრო დამძიმდება და ჯანდაცვის სერვისებით სარგებლობა მოსახლეობის დიდ ნაწილს შეეზღუდება სიძვირის გამო. სპეციალისტები სწორედ ამ ფაქტორზე ამახვილ;ებენ ყურადღებას და მთავრობას მოუწოდებენ, შეცვალონ მიდგომა და სექტორი კერძო ბიზნესისგან დაიხსნან.

არასტანდარტული ვაშლის რეალიზაციის ხელშეწყობის პროგრამა გასული წლების მსგავსად, წელსაც გრძელდება. სახელმწიფო პროგრამის ფარგლებში, არასტანდარტული ვაშლის შესყიდვის შემთხვევაში, სახელმწიფო სუბსიდიას იღებენ ხილის გადამმუშავებელი ის კომპანიები, რომლებიც  2025 წლის 15 დეკემბრამდე 1 კგ არასტანდარტულ ვაშლს არანაკლებ 27 თეთრად შეისყიდიან; სოფლის განვითარების სააგენტო 1 კგ არასტანდარტულ ვაშლზე  10 თეთრის  ოდენობის სუბსიდიას გასცემს.

მსოფლიო ბაზარზე ოქრო უკვე არანორმალური ტემპით ძვირდება და მისმა ღირებულებამ ახალი რეკორდული ნიშნული დაიკავა. გუშინ ერთია უნცია ძვირფასი ლითონი 4 029 დოლარი ღირდა, რაც დღიურად 1.14%-ით, ერთ თვეში - 9.26%-ით, ხოლო წლიურად 52.6%-ით გაზრდილი მაჩვენებელია. ექსპერტები ფიქრობენ, რომ აღმოსვლა კიდევ გაგრძელდება და შესაძლოა, 5 000 დოლარსაც კი მიაღწიოს. 

საქართველოში მზარდი ინფლაციის ტენდენცია გრძელდება და მოლოდინიც ისეთივეა, როგორი მოვლენების ვითარდება ბოლო პერიოდში. მიმდინარე წლის დასაწყისიდან ქვეყანაში ფასები მუდმივად მზარდია. მართალია, ინფლაცია მიზნობრივ, 3%-იანი მაჩვენებელს დიდად არ აღემატება, მაგრამ სიძვირე მოსახლეობისთვის უკვე პრობლემად იქცა.  

საქართველოში სავალუტო რეზერვების შევსება გრძელდება და მისმა მოცულობამ 5.4 მილიარდ დოლარს გადააჭარბა. ეროვნულმა ბანკმა რეზერვების შევსება წინასაარჩევნო პერიოდშიც მოახერხა, არადა მოლოდინი განსხვავებული იყო. საინტერესოა, როგორ შეიძლება გაგრძელდეს პროცესი და ხომ არ არის მოსალოდნელი სავალუტო რეზერვების მოცულობამ წლის ბოლოსთვის 6 მილიარდ დოლარს გადააჭარბოს? 

ევროპარლამენტარები ორდღიანი ვიზიტით საქართველოს სტუმრობენ, ხვდებიან ოპოზიციურ პარტიებს, სალომე ზურაბიშვლს, სამოქალაქო სექტორს, თუმცა აუდიენცია დაგეგმილი არაა „ოცნებასთან". შემაჯამებელ პრესკონფერენციას კი თბილისის ნაცვლად ორშაბათს ბრიუსელში გამართავენ.

ისრაელმა და „ჰამასმა" აშშ-ის პრეზიდენტი დონალდ ტრამპის სამშვიდობო გეგმის პირველ პუნქტზე შეთანხმებას მიაღწიეს. შესაბამის დოკუმენტს მხარეებმა 9 ოქტომბერს მოაწერეს ხელი. ამის შესახებ ინფორმაცია თავად პრეზიდენტმა ტრამპმა გაავრცელა.

რუსეთის ხელისუფლება ისე დასავლეთთან ესკალაციაზე და ბირთვულ საფრთხეზე ალაპარაკდა. ვიათარების გამწვავება ამჯერად აშშ-ის პრეზიდენტის, დონალდ ტრამპის განცხადებას მოჰყვა უკრაინისთვის „ტომაჰავკის" ტიპის რაკეტების შესაძლო გადაცემის შესახებ. ანალიტიკოსები მიუთითებენ, რომ ეს პირველი მსგავსი შემთხვევა არ არის და ბოლო წლების პრაქტიკიდან გამომდინარე, კრემლის ამ მუქარის უკან რეალურად არაფერი დგას.