აშშ-ში უკრაინის ყოფილმა ელჩმა ოლგა სტეფანიშინამ სასამართლოს მიერ შეფარდებული 6 მილიონი გრივნის ოდენობის გირაო არ შეიტანა. ინფორმაციას უკრაინული მედია ავრცელებს.

მედიის ცნობით, სტეფანიშინას გირაო 11 აგვისტომდე უნდა შეეტანა. ახლა სპეციალიზებულ ანტიკორუფციულ პროკურატურას აქვს უფლება მიმართოს სასამართლოს და აღმკვეთი ღონისძიების შეცვლა მოითხოვოს.

აშშ-ში უკრაინის ყოფილ ელჩს ბრალად უკანონო გამდიდრება და დეკლარაციის არასწორი შევსება ედება. გამოძიების ვერსიით, მან კიევში საკუთრებაში არსებული თავისი ორი ბინა, მათ რემონტზე დახარჯული თანხა, ბინების გაქირავებით მიღებული შემოსავალი, Mercedes-Benz-ის მარკის ავტომობილით სარგებლობის შესახებ ინფორმაცია, დედის მკურნალობისა და ავიაბილეთების შეძენის ხარჯები დეკლარაციაში არ ასახა.

უკრაინის პრეზიდენტმა ვოლოდიმირ ზელენსკიმ სტეფანიშინა აშშ-ში ელჩის თანამდებობიდან 3 აგვისტოს მოხსნა.