„თბილსერვის ჯგუფის“ გარე განათების საექსპლუატაციო დეპარტამენტის რაიონული სამსახურის თანამშრომლებმა დიღმის მასივში, გრიგოლ რობაქიძის გამზირზე გარე განათების საყრდენი კონსტრუქციების შეღებვის სამუშაოები განახორციელეს.

სამუშაოების ფარგლებში, სრულად შეიღება და განახლდა 78 ერთეული საყრდენი კონსტრუქცია.

აღნიშნული სამუშაოები ხელს უწყობს საგზაო ინფრასტრუქტურის ვიზუალური მხარის მოწესრიგებასა და საყრდენი ბოძების მდგრადობის შენარჩუნებას.