პოლონეთის პრეზიდენტმა კაროლ ნავროცკიმ ვეტო დაადო მთავრობის კანონპროექტს, რომელიც ფაქტობრივად ერთნაირსქესიან წყვილებს ქორწინების დაკანონების უფლებას მისცემდა. ეს კი პირველი შემთხვევა იქნებოდა, როცა პოლონეთი ერთნაირსქესიანთა ურთიერთობებს იურიდიულად აღიარებდა.

კანონპროექტი რომელიც პოლონეთის პარლამენტმა მიიღო, სრულწლოვან წყვილებს განურჩევლად სქესისა, თანაცხოვრების შეთანხმების გაფორმების უფლებას აძლევს. ნავროცკის თქმით, ის როგორც კონსტიტუციის დამცველი ვერ მიიღებს ისეთ გადაწყვეტილებას, რომელიც ქორწინების განსაკუთრებული სტატუსის დაკარგვას გამოიწვევს, პოლონეთის კონსტიტუციაში კი ქორწინება განსაზღვრულია როგორც ქალისა და კაცის კავშირი.