აშშ-მა ირანის სამხედრო ინფრასტრუქტურაზე ახალი საჰაერო იერიშები განახორციელა. ამერიკული მედიის ცნობით, დარტყმები სამხრეთ და ჩრდილოეთ ირანში მდებარე სამხედრო ობიექტებს, მათ შორის სარაკეტო და სანაპირო თავდაცვის ინფრასტრუქტურაზე განხორციელდა. ვაშინგტონის განცხადებით, ოპერაციის მიზანი ჰორმუზის სრუტეში საერთაშორისო საზღვაო მიმოსვლისთვის არსებული საფრთხის შემცირებაა.

ამასთან, აშშ-ის პრეზიდენტმა დონალდ ტრამპმა განაცხადა, რომ ირანისთვის ახალ ვადებს არ აწესებს და თეირანის შემდგომი მოქმედებების მიხედვით არ გამორიცხა დამატებითი სამხედრო ნაბიჯები.