მტკიცებები იმის შესახებ, თითქოს ბალტიისპირეთის ქვეყნები უკრაინას საკუთარი საჰაერო სივრცის გამოყენების უფლებას აძლევენ, სრული აბსურდია და რუსეთმა ეს იცის, - განაცხადა ევროკავშირის საგარეო პოლიტიკის ხელმძღვანელმა, კაია კალასმა.

„მოსკოვის მუქარები ბალტიისპირეთის ქვეყნების მისამართით სიძლიერის კი არა, სისუსტის ნიშანია.

რუსეთი მარცხდება უკრაინის ბრძოლის ველზე და ცდილობს დაგვაშინოს, რათა უკრაინის მხარდაჭერა შევამციროთ.

სწორი პასუხი კი პირიქით მოქმედებაა: უკრაინისთვის დახმარების გაზრდა და ევროპის თავდაცვის კიდევ უფრო მეტად გაძლიერება“, - აღნიშნა კალასმა.