ზაფხულის მოახლოებასთან ერთად, გურჯაანის მუნიციპალიტეტში, ქვეწარმავლების რაოდენობის მატება შეინიშნება. ადგილობრივების ინფორმაციით, გველები განსაკუთრებით კურორტ ახტლის მიმდებარე ტერიტორიაზე მომრავლდნენ.

მოქალაქეები სოციალურ ქსელში წერენ, რომ ბოლო ხანს არაერთი შემთხვევა დააფიქსირეს, რაც მათ შეშფოთებას იწვევს. ისინი შესაბამისი სამსახურებისაგან პრევენციული ღონისძიებების გატარებას - საფრთხის შემცველი ზონების შემოწმებასა და ტერიტორიების შეწამვლას ითხოვენ. 

კახეთის საინფორმაციო ცენტრი