თურქეთი ევროკავშირში გაწევრიანებისკენ თუ ისწრაფვის, გერმანიაში მეგობრულ და სანდო პარტნიორს იპოვის, - ამის შესახებ გერმანიის საგარეო საქმეთა მინისტრმა, იოჰან ვადეპულმა, თურქეთის საგარეო საქმეთა მინისტრთან, ჰაკან ფიდანთან შეხვედრის დროს განაცხადა.
გერმანიის საგარეო უწყების ხელმძღვანელის თქმით, მისი მთავრობა მხარს უჭერს ევროკავშირ-თურქეთის საბაჟო კავშირის მოდერნიზაციას და განაცხადა, რომ ბერლინი ასევე დადებითად შეუწყობს ხელს თურქეთის ევროკავშირში გაწევრიანების პროცესის პროგრესს.
ვადეპულმა დასძინა, რომ ყველა კანდიდატი ქვეყნისთვის სრული წევრობა დამოკიდებულია მათი მხრიდან ბლოკის პოლიტიკური და ეკონომიკური კრიტერიუმების დაკმაყოფილების პროგრესზე.
„გერმანიის მთავრობის პერსპექტივიდან გამომდინარე, უაღრესად სასურველია, რომ ჩვენ გავაგრძელოთ თურქეთსა და ევროკავშირს შორის სტრატეგიული ურთიერთობების გაფართოება - განსაკუთრებით იმ სფეროებში, სადაც ჩვენ საერთო ინტერესებს ვიცავთ. ჩვენ ვუჭერთ მხარს თურქეთის, როგორც ნატოს მნიშვნელოვანი მოკავშირისა და ევროკავშირის მთავარი სავაჭრო პარტნიორის, სრულად გათვალისწინებას ევროკავშირის მიერ თავდაცვის პოლიტიკის, ასევე სამრეწველო პოლიტიკის ინსტრუმენტების შემუშავებისას", - აღნიშნა იოჰან ვადეპულმა.