პრეზიდენტი ტრამპი და მე შევთანხმდით ჩინეთსა და აშშ-ს შორის კონსტრუქციული ურთიერთობების აწყობაზე. ამის შესახებ ჩინეთის პრეზიდენტმა, სი ძინპინმა განაცხადა.

მის განცხადებას ჩინეთის საგარეო საგარეო საქმეთა სამინისტროს სპიკერი, მაო ნინგი სოციალურ ქსელში ავრცელებს.

“პრეზიდენტი ტრამპი და მე შევთანხმდით სტრატეგიული სტაბილურობის მქონე ჩინეთ-აშშ-ის კონსტრუქციული ურთიერთობების აწყობაზე, რათა ხელი შევუწყოთ ჩინეთ-აშშ-ის ურთიერთობების სტაბილურ, ჯანსაღ და მდგრად განვითარებას და მსოფლიოსთვის მეტი მშვიდობის, კეთილდღეობისა და პროგრესის მოტანას.

ჩინეთ-აშშ-ის ურთიერთობები ეხება ორივე ქვეყნის 1.7 მილიარდზე მეტი ადამიანის კეთილდღეობას და გავლენას ახდენს მსოფლიოს 8 მილიარდზე მეტი ადამიანის ინტერესებზე. ორივე მხარეს უნდა აიღოს ეს ისტორიული პასუხისმგებლობა და ჩინეთ-აშშ-ის ურთიერთობების გიგანტური გემი სტაბილურად და სწორი მიმართულებით წარმართონ,” - განაცხადა სი ძინპინმა.