"სამი თვის განმავლობაში არათუ ფასების შემცირება, არამედ ფასების გაძვირება მოხდა, სასურსათო პროდუქტებზეც, მედიკამენტებზეც, განსაკუთრებულად კი, საწვავზე," - ამის შესახებ "გახარია საქართველოსთვის" პოლიტიკური საბჭოს წევრმა, შალვა კერესელიძემ განაცხადა.
მისი თქმით, იმისთვის, რომ მოსახლეობამ შეძლოს გახდეს გადამხდელუნარიანი, აუცილებელია ხელფასებისა და პენსიის გაზრდა.
"ჩვენ განვაცხადეთ, რომ ყველაზე საუკეთესო გამოსავალი ამ ეტაპისთვის არის ის, რომ ჩვენი მოსახლეობა შედარებით უფრო გადამხდელუნარიანი რომ გახდეს, გაიზარდოს მინიმალური ხელფასი და პენსია," - აღნიშნა შალვა კერესელიძემ.
ცნობისთვის, სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი დროებითი საპარლამენტო კომისია საკუთარ დასკვნას დღეს წარადგენს.