NBC News-თან ინტერვიუში დონალდ ტრამპმა განაცხადა, რომ ისრაელის პრემიერ-მინისტრი ბენიამინ ნეთანიაჰუ, ირანსა და აშშ-ს შორის მომავალი მოლაპარაკებების წინ ლიბანზე დარტყმებს "შეამცირებს".
"მე ვესაუბრე ბიბის და ის ამ საკითხზე თავშეკავებულს იქნება. უბრალოდ ვფიქრობ, რომ ჩვენ ცოტა უფრო თავშეკავებულები უნდა ვიყოთ", - განუცხადა ტრამპმა NBC News-ს ნეთანიაჰუსთან სატელეფონო საუბრის შემდეგ.
ტრამპი ამბობს, რომ ის "ძალიან ოპტიმისტურად" არის განწყობილი, რომ ისლამაბადში მოლაპარაკებების დროს სამშვიდობო შეთანხმებას მიაღწევენ.
აშშ-ის პრეზიდენტის თქმით, "ირანი თანხმდება ყველა იმ საკითხზე, რაზეც უნდა დათანხმდეს" და მისი ოფიციალური პირები "ბევრად უფრო გონივრულები არიან, როდესაც პრესასთან არ საუბრობენ".