სტამბოლში, კურიერის მკვლელობის ბრალდებით საქართველოს ორი მოქალაქე დააკავეს. ამის შესახებ ინფორმაციას თურქული მედია ავრცელებს. სტამბოლის ფათიჰის უბანში კურიერის, ყაზახეთის მოქალაქე არიფ ისმაილოვის მკვლელობის ბრალდებით თურქულმა პოლიციამ საქართველოს ორი მოქალაქე დააკავა ქალაქ ედირნეში, რომელიც საბერძნეთს ესაზღვრება.

გა­მო­ძი­ე­ბის ინ­ფორ­მა­ცი­ით, ეჭ­ვმი­ტა­ნი­ლე­ბი და­ნა­შა­უ­ლის ჩა­დე­ნის შემ­დეგ სტამ­ბო­ლი­დან ედირ­ნეს მი­მარ­თუ­ლე­ბით ავ­ტო­მო­ბი­ლით გა­ე­მარ­თნენ, რათა ქვე­ყა­ნა უკა­ნო­ნოდ და­ე­ტო­ვე­ბი­ნათ. ჟან­დარ­მე­რი­ამ მათი კვა­ლი ოპე­რა­ტი­უ­ლი ინ­ფორ­მა­ცი­ის სა­ფუძ­ველ­ზე და­ად­გი­ნა.

მას შემ­დეგ, რაც ქა­ლა­ქის შე­სას­ვლელ­ში გა­ჩე­რე­ბულ ავ­ტო­მო­ბილ­ში ეჭ­ვმი­ტა­ნი­ლე­ბი არ აღ­მოჩ­ნდნენ, ძებ­ნის ოპე­რა­ცი­ა­ში დრო­ნე­ბი ჩა­ერ­თო. სა­ქარ­თვე­ლოს მო­ქა­ლა­ქე­ე­ბი სა­სა­ზღვრო ზოლ­თან ახ­ლოს, ფე­ხით გა­და­ად­გი­ლე­ბი­სას აიყ­ვა­ნეს. და­კა­ვე­ბუ­ლებ­მა სა­მე­დი­ცი­ნო შე­მოწ­მე­ბა გა­ი­ა­რეს, რის შემ­დე­გაც ისი­ნი ედირ­ნეს სა­მარ­თალ­დამ­ცვე­ლებ­მა სტამ­ბო­ლის პო­ლი­ცი­ის დე­პარ­ტა­მენტს გა­დას­ცეს.

ინ­ცი­დენ­ტი გუ­შინ, ფა­თი­ჰის რა­ი­ონ­ში, ზე­ი­ნეფ ქა­მი­ლის ქუ­ჩა­ზე მოხ­და. კუ­რი­ე­რად მო­მუ­შა­ვე არიფ ის­მა­ი­ლოვს ცე­ცხლსას­რო­ლი ია­რა­ღი­დან ეს­რო­ლეს, რის შემ­დე­გაც თავ­დამ­სხმე­ლე­ბი შემ­თხვე­ვის ად­გი­ლი­დან მი­ი­მალ­ნენ. დაჭ­რი­ლი ის­მა­ი­ლო­ვი სა­ა­ვად­მყო­ფო­ში გა­და­იყ­ვა­ნეს, თუმ­ცა მისი გა­დარ­ჩე­ნა ვერ მო­ხერ­ხდა.

პო­ლი­ცი­ამ ასე­ვე და­ი­წყო გა­მო­ძი­ე­ბა იმ ავ­ტო­მო­ბი­ლის მძღო­ლის მი­მართ, რო­მელ­მაც ბრალ­დე­ბუ­ლე­ბი ედირ­ნემ­დე გა­და­იყ­ვა­ნა. მას მიგ­რან­ტე­ბის უკა­ნო­ნო გა­დაყ­ვა­ნა­სა და ადა­მი­ა­ნით ვაჭ­რო­ბა­ში ედე­ბა ბრა­ლი.