აშშ-ში მამამ თავისი 11 თვის ვაჟი ცოცხლად დამარხა. 43 წლის ჯონ ჰენონმა ბავშვი სასეირნოდ გაიყვანა, როდესაც ის გაუჩინარდა. Daily Mail-ის ცნობით, მამას ბრალი წაუყენეს.

მას შემდეგ, რაც მამა-შვილმა სახლში მისვლა დააგვიანა, დედამ პოლიციას მათი გაუჩინარების შესახებ შეატყობინა. მეორე დღეს, ჩვილის ცხედარი გზისპირა თხრილში იპოვეს. გაკვეთის შედეგად დადგინდა, რომ ბავშვს თავის ქალის მოტეხილობა და ფილტვებში მიწა ჰქონდა, რაც იმაზე მიუთითებს, რომ ის შესაძლოა ცოცხლად დამარხეს.

გამოძიებამ აჩვენა, რომ ცხედრის აღმოჩენის ადგილის მახლობლად ბავშვის ეტლიც იპოვეს და ნაკვალევი მამაკაცისა და მისი ვაჟის იქ ყოფნაზე მიუთითებდა. დაკითხვის დროს ეჭვმიტანილმა უარყო ზიანის მიყენება, მაგრამ აღიარა, რომ ბავშვი მიატოვა, რადგან მას გარდაცვლილად თვლიდა. მან ასევე ახსენა „შეცდომა“ და განაცხადა, რომ „რაღაც მომენტში მას უყვარდა თავისი შვილები“.

მამაკაცი დააკავეს ავტოფურგონში, სადაც იმალებოდა. ჯონს ადრეც ჰქონდა კანონთან პრობლემა: 2024 წელს მან ძალადობისთვის მოიხადა სასჯელი. ოჯახი ასევე სოციალური სამსახურების მეთვალყურეობის ქვეშ იმყოფებოდა.