გურჯაანის მუნიციპალიტეტში მომხდარ ავტოავარიას 50 წლამდე ასაკის კაცი ემსხვერპლა, 2 ადამიანი კი მძიმედ დაშავდა. ავტოსაგზაო შემთხვევა სოფელ ახაშენში მოხდა. 

სამების ეკლესიის მიმდებარედ, ფაცხებთან, ავტომობილი “ნივა”, რომლითაც სამი ადამიანი გადაადგილდებოდა, ხევში გადავარდა.

mak.ge-ს ინფორმაციით, დაიღუპა ერთი ადამიანი, ერთი კი უგონო მდგომარეობაშია.  მძიმედ არის დაშავებული კიდევ ერთი პირი.

ადგილზე მობილიზებულია პოლიცია, სამაშველო, სახანძრო სამსახური და სასწრაფო დახმარების ბრიგადა. 

პირველადი ცნობებით, დაზარალებულები თბილისელები არიან.