„ტვ პირველის“ ინფორმაციით, თინა ხიდაშელი სუს-ში გამოკითხვაზე დაიბარეს. თავდაცვის ყოფილი მინისტრთან ზარი სახელმწიფო უსაფრთხოების სამსახურიდან რამდენიმე წუთის წინ შევიდა. ხიდაშელი მდინარაძის უწყებაში მისვლას არ აპირებს და მზადაა, გამომძიებლების კითხვებს მაგისტრი მოსამართლის თანდასწრებით უპასუხოს, - წერს გამოცემა. მანამდე, ცნობილი გახდა, რომ მდინარაძის უწყებიდან გუბაზ სანიკიძესაც დაურეკეს. ეს ინფორმაციაც „ტვ პირველმა“ გაავრცელა. 

არსებული ინფორმაციით, პოლიტიკოსთან კითხვები მედიაში მის მიერ გაკეთებული განცხადებების შესახებ აქვთ - საუბარია სანიკიძის მოსაზრებებზე ირანული გავლენების გაზრდის შესახებ საქართველოში.

სახელმწიფო უსაფრთხოების სამსახურში დღეს თქვეს, რომ საჯაროდ გაკეთებულ განცხადებებზე გამოძიება აქვთ დაწყებული. სუს-ის მიერ გამოძიების დაწყებას წინ უძღოდა წინა დღეებში "ოცნების" ლიდერების განცხადებები. კახა კალაძემ საგამოძიებო უწყებებს მოუწოდა თინა ხიდაშელის, გიორგი კანდელაკის და ეკა გიაურის კვლევებით დაინტერესებულიყო.