Reuters-ის ცნობით, დუბაიში საცხოვრებელ ზონაში აფეთქება მოხდა. ირკვევა, რომ პალმ-აილენდის საცხოვრებელ უბანში რაკეტა ჩამოვარდა, რამაც ხანძარი გამოიწვია.
დუბაიში მომხდარი ინციდენტის შედეგად ოთხი ადამიანი დაშავდა - ინფორმაციას დუბაის არაბთა გაერთიანებული საამიროების ხელისუფლებამ დაადასტურა.
„სასწრაფო დახმარების ჯგუფები დაუყოვნებლივ განლაგდნენ და ტერიტორია დაცულია. დუბაის სამოქალაქო თავდაცვის სამსახურმა დაადასტურა, რომ ხანძარი ამჟამად კონტროლს ექვემდებარება“, - ნათქვამია დუბაის მედია ოფისის განცხადებაში.
პრესსამსახურის ცნობით, დაშავებულია ოთხი ადამიანი, რომლებიც სამედიცინო დაწესებულებაში გადაიყვანეს.
ამასთან ქუვეითის საერთაშორისო აეროპორტში დრონით დარტყმა განხორციელდა, რის შედეგადაც რამდენიმე მუშა დაშავდა. აფეთქებების ხმა გაისმა დოჰაშიც.