გიგა ავალიანის დედის, ეკა კუპატაძის თქმით, ის არასრულწლოვანები (მშობლებიც) დაუკავშირდნენ, რომლებსაც მისი შვილის საქმეზე დაკავებულები ფიზიკურად უსწორდებოდნენ. როგორც მოკლული მასწავლებლის მშობელი სოციალურ ქსელში წერს, ძალადობის ამსახველ ვიდეოებზე გაკეთებულია ფონოსკოპიური (ხმის) და ჰაბიტოსკოპიური (ვიზუალის) ექსპერტიზები, რომლითაც იდენტიფიცირებულია გაბაშვილიც, რიკაძეც და ჩიქოვანიც!

ეკა კუპატაძის თქმითვე, ექსპერტიზის პასუხების მიხედვით, გიგა ავალიანს, სასიკვდილო დაზიანება მიაყენეს მკვრივი, ბლაგვი საგნის, შუბლში პირდაპირი დარტყმით.

„თანამებრძოლნო, ჩემს ფეისბუქს უჭირს და დამეხმარეთ გავრცელებაში! შ ო კ ი! ანი ნასყიდაშვილის ადვოკატებო, ანი ნასყიდაშვილი უკანონო პატიმარია და გიგა ავალიანი კანონიერი მკვდარია? თურმე, 3 დღეა, სასამართლოს არ უკითხავს  როგორაა! მე მკითხეთ, მე ვიცი, როგორ პირობებშია ნასყიდაშვილი ! მე სხვა რამეებიც ვიცი, ფრთხილად!!!

ნია იმნაძის ადვოკატს, გიორგი ლეკიშვილს, ვუმეორებ უპასუხოდ დატოვებულ საჯარო მოთხოვნას!!! იპოვე ერთი ადამიანი, ვისაც გიგა ავალიანისგან ახსოვს რაიმე სახის გადაცდომა, თუნდაც ღრმა ბავშვობაში! მოთხოვნა ერთადერთია, მან უნდა დაამტკიცოს, რომ ნამდვილად იცნობდა გიგა ავალიანს!!! ან, საჯაროდ მოიხადე ბოდიში და აღიარე, რომ ოჯახმა შეგიყვანა შეცდომაში! მკვდარი ვერ ლაპარაკობს, მაგრამ ლაპარაკობს მკვდრის დედა !!!

ახალი საქმის მასალები გადმომეცემა ორშაბათს, მაგრამ მანამდე მოგაწოდებთ რამდენიმე ინფორმაციას! 

1) რიკაძის ადვოკატი, კახა წერეთელიც, ფიქრობს დაცვაზე უარის თქმას!  

2) ჩიქოვანის ადვოკატმა ძველმა ბიჭმა „გამხიტა“-მ, ჩამოყარა ყურები! 

3) ექსპერტიზის პასუხების მიხედვით, გიგა ავალიანს, სასიკვდილო დაზიანება მიაყენეს მკვრივი, ბლაგვი საგნის,  შუბლში პირდაპირი დარტყმით!!! 

4) ქვაზე დღეს არ ვისაუბრებ, ჟურნალისტს ვუტოვებ ექსკლუზივს! 

5) ძალადობის ამსახველ ვიდეოებზე გაკეთებულია ფონოსკოპიური (ხმის) და ჰაბიტოსკოპიური (ვიზუალის) ექსპერტიზები, რომლითაც იდენტიფიცირებულია გაბაშვილიც, რიკაძეც და ჩიქოვანიც! (მშობლების სინქრონში ლაყბობა, რა თქმა უნდა, ტყუილია)! 

6) ძმები ჩიქოვანები, რიკაძე და გაბაშვილი, ოთხივე, არის სკინჰედი (ძალადობრივი ჯგუფის წევრები)!!! 

7) დამიკავშირდა არასრულწლოვანები (მშობლებიც), რომელთაც ფიზიკურად პირადად უსწორდებოდნენ ეს ველურები! 

8) ალაპარაკდა სკვერში ცემის თვითმხილველები!

9) არ არსებობს სკოლა ,,ინტელექტი"-ში მასწავლებელი, ვისაც ნია იმნაძე სთხოვდა, დამეხმარე გიგა ავალიანი მავიწროებსო! (არადა, საჯაროდ იტყუებოდა ჩიქოვანების დედა!)

10) ნია იმნაძის „ოჯახი“ სუფრაზეც კი თავს იწონებს, რომ „ნიას ვერ დაიჭერენ“!!!

ნია იმნაძის „ოჯახო“, არ იქნება სახელმწიფო სამართალი?!  იქნება ჩემი სამართალი!!!“, - წერს სოციალურ ქსელში მოკლული მასწავლებლის, გიგა ავალიანის დედა, ეკა კუპატაძე.

პროკურატურა მასწავლებლის საქმეზე ბრალდებულებს ჯგუფური ძალადობის სხვა 4 ეპიზოდში მონაწილეობასაც ედავება. საგამოძიებო უწყებაში თქვეს, რომ მათ მოიპოვეს და გაავრცელეს ავალიანის საქმეზე ბრალდებულების - ალექსანდრე გაბაშვილის, გიორგი რიკაძისა და დემეტრე ჩიქოვანის მონაწილეობით ჯგუფური ძალადობის სხვა ეპიზოდების ამსახველი ვიდეო. გამოძიება ამტკიცებს, ერთ-ერთი ძალადობრივი ეპიზოდის ამსახველი ვიდეო გიორგი რიკაძისა და დემეტრე ჩიქოვანის მობილურ ტელეფონში ინახებოდა.