სერიოზული პრობლემების წინაშე დგას დღეს ევროკავშირი, მათ შორის, მიგრაციის კუთხით. იმედი უნდა დავიტოვოთ, რომ სამომავლოდ ეს ყველაფერი შემოტრიალდება და ევროკავშირი განაგრძობს განვითარებას ახლა უკვე სწორი მიმართულებით, – ამის შესახებ საქართველოს პრემიერ-მინისტრმა, ირაკლი კობახიძემ დღევანდელ ბრიფინგზე განაცხადა.

როგორც მთავრობის მეთაურმა აღნიშნა, რეალურად, თავად მიიყვანა ევროპულმა ბიუროკრატიამ აქამდე ევროკავშირი, მათ შორის, აბსოლუტურად გაუმართლებელმა მიგრაციულმა პოლიტიკამ, რომელმაც შეუქმნა სერიოზული პრობლემები ევროკავშირს და ევროკავშირის წევრ ქვეყნებს.

„ვნახოთ, როგორ გაგრძელდება მოვლენები, სერიოზული პრობლემების წინაშე დგას დღეს ევროკავშირი, მათ შორის, მიგრაციის კუთხით. იმედი უნდა დავიტოვოთ, რომ სამომავლოდ ეს ყველაფერი შემოტრიალდება და ევროკავშირი განაგრძობს განვითარებას ახლა უკვე სწორი მიმართულებით“, – განაცხადა ირაკლი კობახიძემ.