ჩვენ უნდა შევძლოთ რუსეთის ფედერაციასთან, რუსეთის ლიდერთან კონტაქტის შენარჩუნება, ამა თუ იმ ფორმატით, ასეთი ფორმატის გარეშე ჩვენი გუნდები ვერ შეძლებენ მესამე მხარის საკითხებზე შეთანხმების მიღწევას, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

ზელენკიმ აღნიშნა, რომ 20-პუნქტიანი სამშვიდობო გეგმა კონკრეტულად მგრძნობიარე ტერიტორიულ საკითხებს ეხება.

„კიდევ ერთხელ ხაზს ვუსვამ, არ მგონია, რომელიმე ლიდერს შეეძლოს ამ საკითხების დამოუკიდებლად მოგვარება“, – განაცხადა ზელენსკიმ.

ვოლოდიმირ ზელენსკის თქმით, უკრაინის მთავრობა ღიაა ნებისმიერი ფორმატის შეხვედრებისთვის რუსეთის ფედერაციისა და აშშ-ის წარმომადგენლებთან, ომის დასრულების მოლაპარაკების პროცესის ფარგლებში.

„ასევე გვსურს, რომ ევროპა იყოს წარმოდგენილი, რადგან ჩვენი უსაფრთხოების გარანტიების ნაწილია ევროკავშირში წევრობა, ასევე მსურველთა კოალიცია“, – აღნიშნა ზელენსკიმ.

როგორც უკრაინის პრეზიდენტმა აღნიშნა, „ბოლო მილი ყოველთვის ძალიან რთულია“, თუმცა უკრაინის მთავრობამ ამჟამად არ იცის, იქნება თუ არა შედეგი გარდაუვალი.

„ძნელი სათქმელია. ჩვენ შეერთებული შტატებისგან უსაფრთხოების გარანტიებს ვენდობით და დოკუმენტი მზადაა. ევროპისგან უსაფრთხოების გარანტიებს ვენდობით. თითქმის ყველაფერი მზადაა. დიახ, მაგრამ ის ჯერ კიდევ არ არის მიღებული ევროპის ქვეყნების პარლამენტების ან აშშ-ის კონგრესის მიერ“, – განმარტა ზელენსკიმ.