თეთრ სახლში გამართულ ღონისძიებაზე სიტყვით გამოსვლისას, აშშ-ის პრეზიდენტმა, დონალდ ტრამპმა განაცხადა, რომ შესაძლოა დააწესოს საბაჟო ტარიფები იმ ქვეყნების წინააღმდეგ, რომლებიც მხარს არ დაუჭერენ მის გეგმას გრენლანდიაზე კონტროლის მოპოვების შესახებ.

პრეზიდენტმა პარალელი გაავლო იმ ტარიფებთან, რომლებიც მან ევროკავშირიდან იმპორტირებულ ფარმაცევტულ პროდუქციაზე დააწესა აშშ-ში მედიკამენტების ფასების შემცირების მიზნით.

„შესაძლოა, იგივე გავაკეთო გრენლანდიის შემთხვევაშიც. შეიძლება ტარიფები დავუწესო იმ ქვეყნებს, რომლებიც გრენლანდიის საკითხში მხარს არ დაგვიჭერენ, რადგან გრენლანდია ჩვენი ეროვნული უსაფრთხოებისთვის გვჭირდება“, - დასძინა მან.