აშშ-ის ეროვნული დაზვერვის დირექტორის ოფისი სოციალურ ქსელ X-ში წერს, რომ 2025 „დიფ სთეითისთვის“ ცუდი წელი იყო. ტულსი გაბარდის უწყებამ გააზიარა „ვაშინგტონ რეპორტერის“ ექსკლუზიური სტატია, სადაც წერია, რომ დაზვერვის სამსახურში გაბარდმა მასშტაბური რეფორმა გაატარა.

სტატიაში აგრეთვე ხაზგასმულია, რომ „დიფ სთეითისთვის“ ცუდი წელი იყო, რადგან ეროვნული დაზვერვის დირექტორმა გაზარდა გამჭვირვალობა, გაანადგურა მრავალფეროვნების, თანასწორობისა და ინკლუზიურობის პროგრამები.

სტატიაში წერია, რომ ეროვნული დაზვერვა 24 საათი მუშაობს, რათა დაასრულოს დაზვერვის სამსახურის იარაღად გამოყენების ფაქტები და პასუხისგებაში მისცეს შესაბამისი პირები.