ევროკომისიამ საკმაოდ ფრთხილი და რბილი პასუხით უპასუხა კითხვას დონალდ ტრამპის უახლესი განცხადებების შესახებ, რომლებიც გრენლანდიას ეხება, - წერს ბრიტანული გამოცემა The Guardian-ი.

ბრიუსელში გამართულ ბრიფინგზე ევროკომისიის მთავარმა სპიკერმა, პაულა პინიომ აღნიშნა:

ეს ადრეც მოგვისმენია და ჩვენ ვრჩებით იმ პოზიციაზე, რაც ამ დარბაზში ადრეც არაერთხელ გვითქვამს.

საგარეო პოლიტიკის საკითხებში წამყვანმა სპიკერმა, ანიტა ჰიპერმა კი კიდევ ერთხელ დაადასტურა ევროკავშირის ფუნდამენტური ხაზი:

ევროკავშირი კვლავაც დაიცავს ეროვნული სუვერენიტეტის, ტერიტორიული მთლიანობისა და საზღვრების ხელშეუხებლობის პრინციპებს და ერთგული რჩება გაეროს წესდების მიმართ.