ინდოეთს აქვს დიდი პოტენციალი იმისათვის, რომ გახდეს მსოფლიო ლიდერი ციფრული ინფრასტრუქტურის ინოვაციაში ისეთი ახლად შექმნილი ინოვაციებით, როგორიცაა მონაცემთა წარმომადგენლობები და ქალაქები.

ანგარიშში ნათქვამია, რომ ინდოეთს შეუძლია მოიზიდოს უცხო ქვეყნების ხელისუფლებები და საერთაშორისო ორგანიზაციები „მონაცემთა წარმომადგენლობების“ გარიგებების შემოთავაზებით.

ასეთი მოდელი მოითხოვს გადასახადისგან ნეიტრალური ზონების, სუვერენული იმუნიტეტის მქონე ჩარჩოების და მყარი კიბერ უსაფრთხოების გარანტიების შექმნას. ამგვარად, ინდოეთი გახდება საიმედო მასპინძელი სხვა ქვეყნების მნიშვნელოვანი ციფრული აქტივებისთვის.

გარდა ამისა, ანგარიშში შემოთავაზებულია სპეციალურად ციფრული ინფრასტრუქტურისთვის აშენებული „მონაცემთა ქალაქების“ განვითარება, რომლებიც გააერთიანებენ მონაცემთა ცენტრებს, „ქლაუდ“ სერვისის პროვაიდერებს, ხელოვნური ინტელექტის ლაბორატორიებს და ციფრულ  სერვისებს ერთიანი პოლიტიკის და საგადასახადო რეჟიმის საფარის ქვეშ.

მიზნობრივი შეღავათებით,  მარეგულირებელი სასწავლო-ექსპერიმენტალური გარემოს, და უკვე გამზადებული ინფრასტრუქტურით, ეს ჰაბები გაამარტივებენ ინდოეთში ოპერაციების დაგეგმვას და გაფართოებას.

ანგარიშის თანახმად, მონაცემთა წარმომადგენლობების და ქალაქების კომბინირებული ზეგავლენა განაპირობებს მძლავრი ეკოსისტემის შექმნას, რომელიც იზიდავს გლობალურ კაპიტალს, აჩქარებს ინოვაციებს, აწარმოებს მაღალი ხარისხის სამუშაო ადგილებს და აძლიერებს ინდოეთის პოზიციას გლობალური ციფრული პოტენციალის ჯაჭვში.

ეტაპებად დაყოფილი და მიზანმიმართული საგადასახადო მიდგომა გაუმკლადება არსებულ ხარვეზებს და ასევე ხელს შეუწყობს მდგრად და ლოკალიზებულ ზრდას, რაც მნიშვნელოვანია კონკურენტული და მომავალზე ორიენტირებული მონაცემთა ცენტრის ეკოსისტემის მშენებლობისთვის.

მონაცემთა ცენტრები ჩნდებიან ასპარეზზე, როგორც გლობალური ციფრული ეკონომიკის მხარდამჭერი მთავარი ინფრასტრუქტურის სეგმენტისთვის. ანგარიშში ნათქვამია, რომ ინდოეთის ციფრული ეკონომიკამ დააბანდა 11,74 %, ანუ 0.402 ტრილიონი აშშ დოლარი ქვეყნის მშპ-ში 2022-23 ფინანსური წლისთვის.

ეს წილი, სავარაუდოდ, მთლიანი ეკონომიკის თითქმის ორმაგი ტემპით გაიზრდება და შესაძლოა, 2029-30 ფისკალური წლისთვის ეროვნული შემოსავლის დაახლოებით 20 პროცენტი შეადგინოს, და ამით სოფლის მეურნეობასა და წარმოებას გადააჭარბოს. 

ციფრული ტექნოლოგიების დანერგვის ზრდასთან ერთად, ინდოეთში მონაცემთა ცენტრებზე მოთხოვნა თითქმის ცხრაჯერ გაიზარდა. ქვეყნის ამჟამინდელი დაყენებული მონაცემთა ცენტრების სიმძლავრე შეადგენს 1.5 GW-ს და მოსალოდნელია, რომ 2025-დან 2035 წლამდე პერიოდში CAGR-ით დაახლოებით 20-24%-ით გაიზრდება. 

საერთო სიმძლავრე 2035 წლისთვის დაახლოებით 14 GW-ს მიაღწევს, ინდოელი და გლობალური ოპერატორების საინვესტიციო ვალდებულებების მხარდაჭერით. 

ანგარიშში ასევე აღნიშნულია, რომ ინდოეთი სარგებლობს მონაცემთა ცენტრების მშენებლობის დაბალი ხარჯებით ისეთ ჰაბებთან შედარებით, როგორიცაა სინგაპური, ტაივანი, მალაიზია და სამხრეთ კორეა. 

ინდოეთის მაღალი პოტენციალი სუფთა ენერგიის გამომუშავებაში კიდევ უფრო ზრდის მის მიმზიდველობას, რადგან საიმედო და მდგრადი ენერგია მონაცემთა ცენტრების განვითარებისთვის კრიტიკული მოთხოვნაა. 

ზრდის შესანარჩუნებლად, ანგარიშში ხაზგასმულია პროგნოზირებადი, ინვესტიციებისთვის ხელსაყრელი საგადასახადო და მარეგულირებელი გარემოს საჭიროება, პროექტის მთელი სასიცოცხლო ციკლის განმავლობაში მკაფიო საგადასახადო პოლიტიკით, ინვესტორთა ნდობის გასაძლიერებლად. (ANI)