UFC-ის ქარ­თვე­ლი ჩემ­პი­ო­ნის, ილია თო­ფუ­რი­ას პი­რა­დი ცხოვ­რე­ბის ირ­გვლივ სკან­და­ლი არ ცხრე­ბა. ყუ­რა­დღე­ბის ცენ­ტრში ისევ მისი ყო­ფი­ლი მე­უღ­ლე, ინფლუ­ენ­სე­რი ჯორ­ჯი­ნა უზტუ­გა­ი­ტი ბა­დე­ლია, რო­მელ­მაც, რო­გორც ირ­კვე­ვა, დახ­მა­რე­ბის­თვის ეს­პა­ნე­თის ეროვ­ნულ პო­ლი­ცი­ას მი­მარ­თა.

მუ­ქა­რე­ბი და კი­ბერ­ბუ­ლინ­გი: რას ჰყვე­ბა ჯორ­ჯი­ნა?

რო­გორც ეს­პა­ნუ­რი გა­მო­ცე­მა ABC იუ­წყე­ბა, 22 დე­კემ­ბერს ჯორ­ჯი­ნა მად­რი­დის პო­ლი­ცი­ის სამ­მარ­თვე­ლო­ში გა­მო­ცხად­და. მისი გან­ცხა­დე­ბით, ბოლო დღე­ე­ბის გან­მავ­ლო­ბა­ში ის გახ­და მას­შტა­ბუ­რი კი­ბერ­ბუ­ლინ­გი­სა და მუ­ქა­რის მსხვერ­პლი.

ინფლუ­ენ­სერ­მა სა­მარ­თალ­დამ­ცა­ვებს წა­რუდ­გი­ნა უამ­რა­ვი მტკი­ცე­ბუ­ლე­ბა - შე­ტყო­ბი­ნე­ბე­ბი და კო­მენ­ტა­რე­ბი, რომ­ლე­ბიც მის მი­მართ აგ­რე­სი­ა­სა და მუ­ქა­რას შე­ი­ცავ­და. აღ­სა­ნიშ­ნა­ვია, რომ თავ­დას­ხმე­ბი მას შემ­დეგ გამ­ძაფ­რდა, რაც ჯორ­ჯი­ნამ თა­ვი­სი ად­ვო­კა­ტის მეშ­ვე­ო­ბით პირ­ვე­ლი სა­ჯა­რო გან­მარ­ტე­ბა გა­ა­კე­თა.

რამ გა­მო­იწ­ვია აგ­რე­სია?

ყვე­ლა­ფე­რი ილია თო­ფუ­რი­ას სკან­და­ლუ­რი პოს­ტით და­ი­წყო. შე­გახ­სე­ნებთ, რომ "მა­ტა­დორ­მა" სა­ჯა­როდ გა­ნა­ცხა­და, რომ მას აშან­ტა­ჟებ­დნენ და ფუ­ლის გა­მო­ძალ­ვას ცდი­ლობ­დნენ, წი­ნა­აღ­მდეგ შემ­თხვე­ვა­ში კი ოჯახ­ში ძა­ლა­დო­ბის შე­სა­ხებ ცრუ ბრალ­დე­ბე­ბის გავ­რცე­ლე­ბით ემუქ­რე­ბოდ­ნენ.

მი­უ­ხე­და­ვად იმი­სა, რომ ილი­ას ჯორ­ჯი­ნას სა­ხე­ლი არ უხ­სე­ნე­ბია, სო­ცი­ა­ლუ­რი ქსე­ლის მომ­ხმა­რებ­ლებ­მა აგ­რე­სია სწო­რედ მის­კენ მი­მარ­თეს. ჯორ­ჯი­ნას მხა­რემ კი სა­პა­სუ­ხოდ გა­ნა­ცხა­და, რომ ეს ყვე­ლა­ფე­რი ცი­ლის­წა­მე­ბაა და მიზ­ნად ისა­ხავს მის დის­კრე­დი­ტა­ცი­ას იმ დროს, რო­დე­საც სა­სა­მარ­თლო­ში ბავ­შვის მე­ურ­ვე­ო­ბი­სა და სხვა პი­რა­დი სა­კი­თხე­ბის გან­ხილ­ვა მიმ­დი­ნა­რე­ობს.

პო­ლი­ცია და სა­მო­ქა­ლა­ქო გვარ­დია საქ­მე­ში ერ­თვე­ბი­ან, ვი­ნა­ი­დან ჯორ­ჯი­ნა უზტუ­გა­ი­ტი იმ რა­ი­ონ­ში ცხოვ­რობს, რო­მე­ლიც სა­მო­ქა­ლა­ქო გვარ­დი­ის (Guardia Civil) იუ­რის­დიქ­ცი­ა­ში შე­დის, პო­ლი­ცი­ამ საქ­მის მა­სა­ლე­ბი უკვე გა­და­უგ­ზავ­ნა შე­სა­ბა­მის უწყე­ბას.

ამ დრო­ის­თვის ვი­თა­რე­ბა ასე­თია:

ილია თო­ფუ­რია: ჩი­ვის გა­მო­ძალ­ვა­ზე, ფალ­სი­ფი­ცი­რე­ბულ მტკი­ცე­ბუ­ლე­ბებ­სა და პი­რა­დი ნივ­თე­ბის ქურ­დო­ბა­ზე.

ჯორ­ჯი­ნა უზტუ­გა­ი­ტი: ჩი­ვის სის­ტე­მა­ტურ კი­ბერ­ბუ­ლინგზე, მუ­ქა­რა­სა და ცი­ლის­წა­მე­ბა­ზე.

"მა­ტა­დო­რის" პა­უ­ზა

ამ პი­რა­დი დრა­მის ფონ­ზე, ილია თო­ფუ­რი­ამ ოქ­ტა­გო­ნი­დან დრო­ე­ბით გას­ვლის გა­და­წყვე­ტი­ლე­ბა მი­ი­ღო. მან აღ­ნიშ­ნა, რომ ახლა მისი მთა­ვა­რი პრი­ო­რი­ტე­ტი შვი­ლე­ბის (ჰუ­გო­სა და პა­ტა­რა ჯორ­ჯი­ნას) სიმ­შვი­დე და ამ რთუ­ლი სი­ტუ­ა­ცი­ის სა­მარ­თლებ­რი­ვად მოგ­ვა­რე­ბაა...

შე­გახ­სე­ნებთ, რომ წყვი­ლი 2024 წლის ზა­ფხულ­ში ქა­ლიშ­ვი­ლის მშობ­ლე­ბი გახ­დნენ, თუმ­ცა სულ რა­ღაც 4 თვე­ში მათი ურ­თი­ერ­თო­ბა სრულ კო­ლაფ­სამ­დე მი­ვი­და.

წყარო: ambebi.ge

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე