სამშვიდობო მოლაპარაკებები აშშ-სა და უკრაინას შორის შეფერხდა ერთი მთავარი საკითხის გამო - როგორ აიძულონ უკრაინა, დათმოს ის, რისი ხელში ჩაგდებაც კრემლმა ვერ შეძლო ომის დროს - დონბასის რეგიონი, - წერს გამოცემა POLITICO ოფიციალურ წყაროზე დაყრდნობით.
„ტერიტორიების საკითხს ამერიკელები მარტივად უდგებიან: რუსეთი უკრაინას ტერიტორიების დათმობას სთხოვს, ამერიკელები კი სულ იმაზე ფიქრობენ, როგორ მოახერხონ ეს“, - განუცხადა POLITICO-ს მოლაპარაკებების პროცესში ჩახედულმა ევროპელმა ოფიციალურმა პირმა ანონიმურობის პირობით.
„ამერიკელები დაჟინებით მოითხოვენ, რომ უკრაინამ დონბასი დატოვოს... ასე თუ ისე“, - დასძინა ოფიციალურმა პირმა.
უკრაინა დაჟინებით მოითხოვს, რომ ნებისმიერი სამშვიდობო შეთანხმება არსებულ ხაზებზე ომის გაყინვას უნდა გულისხმობდეს. ამჟამად დონბასის დაახლოებით 30 პროცენტი კვლავ უკრაინის ხელშია.