იმ ფონზე, როდესაც სუს-მა ქვეყნის შიგნით დაიწყო ტელეკომპანია „ბი-ბი-სი"-ს საგამოძიებო ფილმში მოყვანილი ფაქტების გამოძიება, ოპოზიცია ამავე ფაქტებზე საერთაშორისო გამოძიებას ითხოვს. მმართველ პარტიაში კატეგორიულად უარყოფენ, რომ მაუწყებლის მიერ დასახელებული მომწამვლავი ნივთიერება „კამიტი", რომელსაც გამოცემის ცნობით, „ოცნება" აქციების დასარბევად იყენებდა, ხელისუფლებას თავის განკარგულებაში აქვს და გადაწყვიტეს „ბი-ბი-სი"-ს ბრიტანული კომუნიკაციების მარეგულირებელ კომისიაში უჩივლონ.