ეს უნიათობა, რომლითაც ახლა თავს იმართლებენ, რომ თითქოს ღობე იყო სუსტი და თითქოს არავინ აპირებდა გადანგრევას, გულისხმობდა ყველაფერს, ისინი პარალელური პროცესების განვითარებას ელოდნენ, პირდაპირ სისხლზე დაიწყეს საუბარი, - განაცხადა გადაცემაში „იმედის კვირა" პარლამენტის ვიცე-სპიკერმა გია ვოლსკიმ 4 ოქტომბრის ამბოხის საქმეზე საუბრისას.

გია ვოლსკის განცხადებით, საქართველოს ხელისუფლების წინააღმდეგ მოქმედებს დიდი პოლიტიკური ძალა, რომლის ინტერესში ევროპაში მიმდინარე პროცესების საქართველოში დივერსიფიცირება.

"ადამიანების მობილიზება 4 ოქტომბერს მოახდინეს იმიტომ, რომ რაც შეიძლება მეტი აღმოჩნდეს გისოსებს მიღმა, რათა შემდეგ ჰქონდეთ სასაუბრო იმაზე, რომ საქართველოში არსებობს პოლიტიკური დევნა, მიუხედავად იმისა, რომ ისინი უპირისპირდებიან კანონს. თავადვე აფინანსებენ, თავადვე პოლიტიკურად უჭერენ მხარს, ჩვენს წინააღმდეგ მოქმედებს დიდი პოლიტიკური ძალა, რომლის ინტერესია ევროპაში მიმდინარე პროცესები მნიშვნელოვანწილად დივერსიფიცირებული იქნას საქართველოსთან მიმართებით, რომ რუსეთის აგრესიის პრევენცია მოახდინონ ევროპის მიმართულებით. ამ დიდ ამოცანაში უნდა განვიხილოთ ეს 4 ოქტომბერი", - განაცხადა პარლამენტის ვიცე-სპიკერმა.