რამდენიმე სახის კომენტარი ვრცელდება საზოგადოებაში. ზოგი ამბობს, რომ ეს არის სერიოზული ფსიქიკური შეტევა, ფსიქიკის დესტაბილიზაცია მას შემდეგ, რაც იგი „გადააგდეს", - განაცხადა პარლამენტის პირველმა ვიცე-სპიკერმა გია ვოლსკიმ ალეკო ელისაშვილზე საუბრისას.
მისივე თქმით, მიუხედავად იმისა, რომ ელისაშვილმა საკუთარი პრინციპული პოზიცია დათმო, შეუერთდა „ლელოს", მაინც „გადააგდეს" და საარჩევნო სიის უკანა რიგებში ჩაწერეს, ის მძიმე მდგომარეობაში აღმოჩნდა.
„დასავლეთიდან ამ ექსტრემიზმის წახალისებამ გადააწყვეტინა, რომ ამ მიმართულებით ემოქმედა და თავისი მიწასთან გასწორებული რეპუტაცია აღედგინა", - აღნიშნა გიორგი ვოლსკიმ.
შსს-ს ინფორმაციით, დაკავებულია კოალიცია „ძლიერი საქართველო - ლელოს" ერთ-ერთი ლიდერი, ალექსანდრე ელისაშვილი, რომელმაც თბილისის საქალაქო სასამართლოს კანცელარიის შენობის დაწვა სცადა. მას ბრალს სავარაუდოდ, დღეს წარუდგენენ.