ეს ადამიანები არიან აბსოლუტურად დამოკიდებული გარე დავალებებზე, ნარატივებზე, რომლებიც მოდის გარედან და შესაბამისად მოქმედებენ, - განაცხადა „ხალხის ძალის" დეპუტატმა, ზურაბ ქადაგიძემ იმ მანიფესტთან დაკავშირებით საუბრისას, რომელიც მედიაში გავრცელებული ინფორმაციით, ბრიუსელთან იყო შეთანხმებული და რომელიც 28 ნოემბრის აქციაზე უნდა წაეკითხათ.
მისივე თქმით, ასე იყო წინა ტექსტის შემთხვევაშიც - წაიკითხეს ის, რაც იყო პირდაპირ დავალება და ის, რაც იყო ჩაგდებული მათ ჩათებში.
„როდესაც ეტყვიან, რომ მანიფესტი გაასაჯაროვეთ, გაასაჯაროებენ, როდესაც ეტყვიან, რომ არ გაასაჯაროოთ, ასეც მოიქცევიან. სააკაშვილს და ტრამპს ვერანაირად დააკავშირებენ ერთმანეთს. პირდაპირპროპორციულად ისინი არიან ინტერესთა კონფლიქტში იქიდან გამომდინარე, რომ სააკაშვილი და მისი რადიკალური ჯგუფები დამოკიდებული არიან თუნდაც იმ ძალებზე, რომლებსაც პრეზიდენტი ტრამპი ებრძვის და ღიად საუბრობს „დიფ სთეითზე"", - აღნიშნა ზურაბ ქადაგიძემ.
ბრიუსელთან შეთანხმებული, ოპოზიციის მანიფესტის შესახებ მედიაში ინფორმაციის გავრცელების შემდეგ, რადიკალებმა აქციაზე მანიფესტი აღარ წაიკითხეს.