პრაქტიკულად ომის დამთავრების პირობები ისეთია, რომ სერიოზულ პოლიტიკურ რყევებს გამოიწვევს უკრაინაში და აქედან გამომდინარეობს ის პროვოკაციაც, რომელიც უკრაინამ გაავრცელა, - ასე გამოეხმაურა გიორგი ვოლსკი გავრცელებულ დეზინფორმაციას საქართველოში რუსეთის ფედერაციის შეიარაღებული ძალების სპეციალური უსაფრთხო კომუნიკაციის ტერმინალების ქსელების არსებობის შესახებ.
პარლამენტის პირველი ვიცე-სპიკერი ამ დეზინფორმაციის გავრცელებას პროვოკაციას უწოდებს.
„პროვოკაციული იყო ინფორმაცია თავისი შინაარსითა და მიზნებით, როდესაც ამბობდნენ, რომ საქართველოს ტერიტორიაზევე გამოიყენება რუსეთისთვის სანქციებისთვის გვერდის ავლისთვის ხელშესაწყობად. იგივე ხდება ახლა, მაგრამ შინაარსი და მიზანი არის სხვა. ეს არის პროვოკაცია. არ შეიძლება ამას ბოდვა ეწოდოს, იმიტომ რომ ეს არის პროვოკაცია. საქართველოს მიმართ პროვოკაციები გაგრძელდება, მითუმეტეს, უკრაინაში ასეთი ანტიქართული პროპაგანდა 2022 წლიდან მიმდინარეობს - ინტენსიური და სხვადასხვა ტყუილით დატვირთული. თითქოს საქართველოს არანაირი დახმარება არ გაუწევია უკრაინისთვის, არც პოლიტიკურ ველზე გამოუჩენია თავი საკმაოდ მყარი პოზიციით ჩვენს ქვეყანას. ეს არის შემოტევის ახალი მიმართულება, რომელიც საქართველოს მიმართ ხორციელდება“, - აცხადებს ვოლსკი.
სახელმწიფო უსაფრთხოების სამსახურმა გაავრცელა განცხადება, რომელშიც აღნიშნულია, რომ ვრცელდება არასწორი ინფორმაცია, თითქოს უკრაინის დაზვერვის მასალებით საქართველოს ტერიტორიაზე არსებობს რუსეთის ფედერაციის შეიარაღებული ძალების სპეციალური უსაფრთხო კომუნიკაციის ტერმინალების ქსელები