1-2 დეკემბერს თბილისის მერი კახა კალაძე, დელეგაციის წევრებთან ერთად, ოფიციალური ვიზიტით უნგრეთის დედაქალაქ ბუდაპეშტს ეწვევა. ინფორმაციას თბილისის მერია ავრცელებს.

დედაქალაქის მერიის ცნობით, კახა კალაძე შეხვედრას გამართავს უნგრეთის საგარეო საქმეთა მინისტრთან, პიტერ სიიარტოსთან.

თბილისის მერი ასევე მონაწილეობას მიიღებს კონფერენციაში, რომელიც ევროპის ქალაქების ურბანულ განვითარებას შეეხება, და სიტყვით მიმართავს კონფერენციის მონაწილეებს.

კახა კალაძესთან ერთად დელეგაციის შემადგენლობაში იქნებიან საქართველოს პარლამენტის წევრები, ასევე თბილისის მერიის ტრანსპორტისა და ურბანული განვითარების სააგენტოს ხელმძღვანელი ნინო ბაგაშვილი.