საპარლამენტო უმრავლესობის წევრი, თავდაცვისა და უშიშროების საპარლამენტო კომიტეტის თავმჯდომარის პირველი მოადგილე თენგიზ შარმანაშვილი, ჟურნალისტ მერაბ მეტრეველის ფეისბუქ-პოსტს გამოეხმაურა, რომელმაც ალეკო ელისაშვილის ქმედების გამართლება სცადა და დაწერა: „ხელისუფლებამ ქვეყანაში ისეთი გამოუვალი მდგომარეობა შექმნა, რომ ადამიანები სასოწარკვეთილ ნაბიჯებზე მიდიან“.
შარმანაშვილს არ ეგონა, თუ ვინმე ელისაშვილის ჩადენილ ქმედებას გაამართლდებდა და იქვე დაწერა - „ფიშერი, ალბათ, შეძლებს“.
„ამ ნაძირალას ვინც ჟურნალისტს დაუძახებს, მეტრეველზე ვამბობ, უარესი ნაძირალაა! ამას თუ ვინმე გაამართლებდა, არ მეგონა. თუმცა, ფიშერი ალბათ შეძლებს“, - წერს შარმანაშვილი.
შსს-ს ინფორმაციით, დაკავებულია კოალიცია „ძლიერი საქართველო - ლელოს“ ერთ-ერთი ლიდერი, ალექსანდრე ელისაშვილი, რომელმაც დღეს დილით, გამთენიისას, თბილისის საქალაქო სასამართლოს კანცელარიის შენობის დაწვა სცადა.