მართლმადიდებელი ეკლესია დღეს გიორგობას აღნიშნავს. დღესასწაულთან დაკავშირებით, ყველა მოქმედ ტაძარში საზეიმო წირვა ტარდება. გიორგობის დღესასწაული წელიწადში ორჯერ აღინიშნება. 6 მაისი წმინდა დიდმოწამე გიორგის აღსრულების დღეა, 23 ნოემბერს კი მისი ბორბალზე წამების დღეა.
არსებობს დღესასწაულები, რომელთა მნიშვნელობა აღემატება კონკრეტულად იმ წმინდანის ხსენების დღეს და გაცილებით მეტს ნიშნავს. ასეთი აღმატებული დღესასწაულია გიორგობა – ჩვენი საეკლესიო და საერო დღესასწაული!
გიორგობა დღეს წასაკითხი სამი ლოცვა:
„ჰოი, ყოვლადნეტარი, წმიდაო დიდო მოწამეო გიორგი, მიითუალე საგალობელი ესე ქებისა და ღმრთისა მიმართ შუამდგომელობითა შენითა გვიხსენ ჩუენ ყოვლისაგან ბოროტისა, რაჲთა შენ თანა ვღაღადებდეთ: ალილუია, ალილუია, ალილუია“.
„ტყუეთა განმათავისუფლებელო და გლახაკთა ხელის აღმპყრობელო, სნეულთა მკურნალო და მეფეთა უძლეველო წინამბრძოლო, ღვაწლით შემოსილო, დიდო მოწამეო გიორგი, ევედრე ქრისტესა ღმერთსა შეწყალებად სულთა ჩვენთათვის“.
„ევედრე, წმიდაო მოწამეო ქრისტესო, შენგან შეყუარებულსა ტკბილსა იესუს, რათა მოგუანიჭოს მადლი და წყალობა თვისი აღურაცხელი“.