აჭარის ავტონომიური რესპუბლიკის უმაღლესი საბჭოს წევრი „ქართული ოცნებიდან“, ცოტნე ანანიძე სოციალურ ქსელში წერს, რომ როდესაც უკრაინაში ცეცხლის შეწყეტის აუცილებლობაზე საუბრობენ, რადიკალები ამას პრორუსულად უთვლიან, ხოლო „როცა იგივეს ამბობს ამერიკა, ევროპა ან ზელენსკი - ეს მათთვის სრულიად ნორმალურია“. მისივე თქმით, ოპოზიციისთვის მთავარია „ოცნების” წევრს არ დაეთანხმონ.
„როცა ჩვენ ვახსენებთ უკრაინაში ცეცხლის შეწყეტის აუცილებლობას (ადამიანების გადარჩენისთვის), რადიკალები პრორუსულად გვთვლიან, ხოლო როცა იგივეს ამბობს ამერიკა, ევროპა ან ზელენსკი - ეს მათთვის სრულიად ნორმალურია. ეს თემაც ნათლად აჩვენებს: რაც არ უნდა თქვა, რადიკალები შინაარსში არ შედიან, არ იაზრებენ, არ კითხულობენ. მათთვის მთავარი არის, „ოცნების“ წევრს არ დაეთანხმონ, თუნდაც დედამიწის სიმრგვალეზე“, - წერს ანანიძე.