თბი­ლის­ში დატ­რი­ა­ლე­ბულ­მა ტრა­გე­დი­ამ მთე­ლი ქვე­ყა­ნა შეძ­რა. სას­ტი­კად მოკ­ლეს 26 წლის მას­წავ­ლე­ბე­ლი გიგა ავა­ლი­ა­ნი. მას გიგა სა­ცხოვ­რე­ბელ სახ­ლთან დახ­ვდნენ და თა­ვის არე­ში მძი­მე და­ზი­ა­ნე­ბა მი­ა­ყე­ნეს.

შემ­თხვე­ვა პირ­ველ ოქ­ტომ­ბერს მოხ­და. მას შემ­დეგ ახალ­გაზ­რდა კლი­ნი­კა­ში, კო­მა­ტო­ზურ მდგო­მა­რე­ო­ბა­ში იმ­ყო­ფე­ბო­და. სამ­წუ­ხა­როდ მისი გა­დარ­ჩე­ნა ვერ მო­ხერ­ხდა.

გუ­შინ მოკ­ლუ­ლის დე­დის უმ­ძი­მე­სი ვი­დე­ო­მი­მარ­თვა გავ­რცელ­და, სა­დაც ის პრო­კუ­რა­ტუ­რას მი­მარ­თავ­და და ითხოვ­და, რომ და­კა­ვე­ბუ­ლებს ბრალ­დე­ბა მკვლე­ლო­ბის მუხ­ლით წა­რედ­გი­ნოთ. დღეს სა­პა­სუ­ხოდ უწყე­ბამ გან­ცხა­დე­ბა გა­ავ­რცე­ლა:

"სა­მე­დი­ცი­ნო ექ­სპერ­ტი­ზის დას­კვნით, გიგა ავა­ლი­ა­ნის სიკ­ვდი­ლის მი­ზე­ზია ქალა-ტვი­ნის და­ხუ­რუ­ლი ბლაგ­ვი ტრავ­მა, მარ­ჯვნივ შუბ­ლის ძვლის სრუ­ლი მო­ტე­ხი­ლო­ბით. ალექ­სან­დრე გა­ბაშ­ვილს წარ­დგე­ნი­ლი აქვს სა­ქარ­თვე­ლოს სის­ხლის სა­მარ­თლის კო­დექ­სის 117-ე მუხ­ლის მე-2 ნა­წი­ლით (ჯან­მრთე­ლო­ბის გან­ზრახ მძი­მე და­ზი­ა­ნე­ბა, რა­მაც გა­მო­იწ­ვია სი­ცო­ცხლის მოს­პო­ბა) გათ­ვა­ლის­წი­ნე­ბუ­ლი ბრალ­დე­ბა, რაც სას­ჯე­ლის სა­ხედ და ზო­მად 8 წლამ­დე თა­ვი­სუფ­ლე­ბის აღ­კვე­თას ით­ვა­ლის­წი­ნებს.

გი­ორ­გი რი­კა­ძეს წარ­დგე­ნი­ლი აქვს სა­ქარ­თვე­ლოს სის­ხლის სა­მარ­თლის კო­დექ­სის 376-ე მუხ­ლის პირ­ვე­ლი ნა­წი­ლით (და­ნა­შა­უ­ლის შე­უ­ტყო­ბი­ნებ­ლო­ბა იმის მიერ, ვინც ნამ­დვი­ლად იცის, რომ მზად­დე­ბა და ჩა­დე­ნი­ლია მძი­მე და­ნა­შა­უ­ლი) გათ­ვა­ლის­წი­ნე­ბუ­ლი ბრალ­დე­ბა, რაც სას­ჯე­ლის სა­ხედ და ზო­მად 6 წლამ­დე თა­ვი­სუფ­ლე­ბის აღ­კვე­თას ით­ვა­ლის­წი­ნებს" - აღ­ნიშ­ნეს უწყე­ბა­ში.

პრო­კუ­რა­ტუ­რის სა­პა­სუ­ხოდ ეკა კუ­პა­ტა­ძემ მო­რი­გი წერილი გა­მო­აქ­ვეყ­ნა:

"წუ­ხელ ძა­ლა­გა­მოც­ლი­ლი გა­ვი­თი­შე, გამ­თე­ნი­ი­სას ძა­ლა­გა­მოც­ლილ­მა გა­ვა­ხი­ლე თვა­ლი, ვი­ფიქ­რე ყვე­ლაფ­რის­თვის თავი და­მე­ნე­ბე­ბი­ნა, მაგ­რამ თვი­თონ არ მა­ნე­ბე­ბენ თავს! დე­ტა­ლუ­რად გავ­შიფ­რავ თუნ­დაც მხო­ლოდ ამ ერთი, უსინ­დი­სო, პოს­ტის აბ­სურ­დუ­ლო­ბა­თა სი­უხ­ვეს, მაგ­რამ უპირ­ვე­ლე­სად წა­ყე­ნე­ბუ­ლი მუხ­ლის არას­წო­რად წარ­მოდ­გე­ნას უნდა გა­ვუს­ვა ხაზი.

მკვლელ ალექ­სან­დრე გა­ბაშ­ვილს შე­უ­ფარ­დეს 117-ე მუხ­ლის მე-2 ნა­წი­ლი, რო­მე­ლიც 8 წლამ­დე თა­ვი­სუფ­ლე­ბის აღ­კვე­თას კი არა, 5-8 წლამ­დე თა­ვი­სუფ­ლე­ბის აღ­კვე­თას ით­ვა­ლის­წი­ნებს; არას­რულ­წლოვ­ნებს ზედა ზღვარს, ანუ 8 წელს არას­დროს უს­ჯი­ან და თან აკ­ლდე­ბა სას­ჯე­ლის მე­ო­თხე­დი. ე.ი. რომც მი­უ­სა­ჯონ 8 წელი, 8-2=6!!! მა­შა­სა­და­მე, ჩემი შვი­ლის გან­ზრახ მკვლე­ლი გა­მო­ვა 6 წელ­ზე ნაკ­ლებ დრო­ში, ყვე­ლა­ზე მაქ­სი­მუმ 5 წელ­ში.

რაც შე­ე­ხე­ბა გი­ორ­გი რი­კა­ძეს, რო­მე­ლიც ასე­ვე მკვლე­ლია, სას­ჯელს იმი­ტომ კი არ იხ­დის, რომ გი­გას მკვლე­ლია, არა­მედ იმი­ტომ, რომ "ძმა­კა­ცი არ ჩა­ას­მი­ნა" და მი­ე­სა­ჯა 376-ე მუხ­ლის პირ­ვე­ლი ნა­წი­ლი, რაც ით­ვა­ლის­წი­ნებს 2-დან 6 წლამ­დე.

აქაც ყუ­რა­დღე­ბას ამახ­ვი­ლებთ მაქ­სი­მუმ­ზე, ანუ 6 წელ­ზე და იცით, რომ მაქ­სი­მუმს არას­რულ­წლო­ვანს არ უს­ჯი­ან. დიდი ალ­ბა­თო­ბით (ტი­რის და ნა­ნობს სა­ფუძ­ვლით), რი­კა­ძეს მის­ცე­მენ 2 წელს, რა­საც და­აკ­ლდე­ბა სას­ჯე­ლის მე­ო­თხე­დი და 1 წელ­ში და 6 თვე­ში გა­მო­ვა გა­რეთ!

ახლა სხვა დე­ტა­ლე­ბი! ალექ­სან­დრე გა­ბაშ­ვილ­მა და გი­ორ­გი რი­კა­ძემ, რომ­ლებ­მაც და­ახ­ლო­ე­ბით 800 მეტრზე ატა­რეს ქვა (ეს სა­ფუძ­ვე­ლია გან­ზრახ მკვლე­ლო­ბის), გა­და­ი­ღეს 19 წა­მი­ა­ნი ვი­დეო, სა­დაც ჩანს მუ­ჭის დარ­ტყმა სა­ხე­ში. ამას აღ­ნიშ­ნავს ალექ­სან­დრე გა­ბაშ­ვი­ლიც თა­ვის ჩვე­ნე­ბა­ში და ადას­ტუ­რებს პო­ლი­ცი­ის უფ­რო­სის მიერ გა­და­ღე­ბულ სუ­რათ­ში, გა­წით­ლე­ბუ­ლი და შე­შუ­პე­ბუ­ლი ლო­ყაც! ამის შემ­დეგ გა­თი­შეს ვი­დეო, ურტყეს წიხ­ლე­ბი და ჩა­არ­ტყეს ქვა თავ­ში! ეს არის მკვლე­ლო­ბა და არა სხე­უ­ლის გან­ზრახ და­ზი­ა­ნე­ბა თუმ­ცა­ღა ამ ნა­წილ­ში გა­მოგ­ყე­ვით, რად­გან მე­სი­ჯო­ბის დროს მი­მო­წე­რა­ში მკვლე­ლო­ბა არ იგეგ­მე­ბო­დაო! ალექ­სან­დრე გა­ბაშ­ვი­ლი ჩვე­ნე­ბა­ში წერს, რომ მუჭი და­არ­ტყა მარ­ჯვე­ნა ლო­ყა­ში და არა შუბ­ლის არე­ში.

თქვენ იტყუ­ე­ბით, სა­ჯა­როდ აყალ­ბებთ ბრალ­დე­ბუ­ლის ჩვე­ნე­ბას, მუ­ჭის კვა­ლი ჩანს პო­ლი­ცი­ის უფ­რო­სის მიერ გა­და­ღე­ბულ სუ­რათ­შიც. სუ­რა­თი თქვენ ექ­სპერ­ტი­ზას მი­ა­წო­დეთ დღეს (19.11.2025), როცა უკვე აზრი აღარ აქვს, თან მას შემ­დეგ, რაც მე ტე­ლე­ვი­ზი­ებ­თან ეს ხმა­მაღ­ლა გა­ვაჟ­ღე­რე! გიგა ავა­ლი­ა­ნის წაქ­ცე­ვის შემ­დეგ ბრალ­დე­ბუ­ლე­ბი კი არ მი­ი­მალ­ნენ, სა­ხე­ში და­მამ­ცი­რებ­ლად ურტყამ­დნენ და აგი­ნებ­დნენ.... სა­უ­ბა­რი რო­მელ კა­მე­რა­შიც ის­მის, იქ მათ გა­ი­ა­რეს 7 წუ­თის ინ­ტერ­ვა­ლის შემ­დეგ და რე­ა­ლუ­რად ჭირ­დე­ბო­და 4 წუთი (არც კი, თუ გა­ვით­ვა­ლის­წი­ნებთ, რომ მკვლე­ლო­ბის შემ­დეგ სწრა­ფი სი­ა­რუ­ლით, ან სირ­ბი­ლით გა­ვი­დოდ­ნენ შემ­თხვე­ვის ად­გი­ლი­დან). ასე, რომ 3 წუ­თი­დან თქვენ მხო­ლოდ 4 წამ­ზე სა­უბ­რობთ, 19 წა­მი­ან ვი­დე­ო­ზე არა­ფერს ამ­ბობთ და რას აკე­თებ­დნენ და­ნარ­ჩენ, სულ მცი­რე, 2 წუთს და 40 წამს, ამ კი­თხვა­ზე პა­სუხს პი­რად სა­უ­ბარ­შიც კი თავს არი­დებთ!

ტაქ­სის მძღო­ლის ორი ჩვე­ნე­ბა რა­დი­კა­ლუ­რად გან­სხვავ­დე­ბა ერ­თმა­ნე­თის­გან! (რო­მე­ლიც გა­წყობთ იმას შიფ­რავთ, მეც ჩა­ვუჯ­დე­ბი მა­გის დე­ტა­ლებს.) სა­მე­დი­ცი­ნო ექ­სპერ­ტი­ზის დას­კვნა ვერ იქ­ნე­ბა სრულ­ყო­ფი­ლი, რად­გან მან მხო­ლოდ გვა­მი შე­ის­წავ­ლა და გი­გას პირ­ვე­ლა­დი და­ზი­ა­ნე­ბე­ბი კლი­ნი­კას არა­ზუს­ტად აქვს აღ­წე­რი­ლი (მო­ვიც­ლი მა­გათ­თვი­საც). დი­აგ­ნო­ზი მე და­ვუს­ვი ჩემს შვილს და მისი და­ზი­ა­ნე­ბე­ბიც მე თუ უნდა აღ­მე­წე­რა, არ ვი­ცო­დი. თუმ­ცა, როცა ვნა­ხე, რომ არას­წო­რად იყო გი­გას სხე­უ­ლის და­ზი­ა­ნე­ბე­ბი აღ­წე­რი­ლი, მო­ვი­თხო­ვე ექი­მის გან­მე­ო­რე­ბით და­კი­თხვა, მაგ­რამ და­კი­თხეთ დღეს, ჩემი გან­გა­შის შემ­დეგ ასე­ვე მო­ვი­თხო­ვე, ჩემი და ჩემი ძმის შვი­ლის და­კი­თხვა და­ზი­ა­ნე­ბებ­თან და­კავ­ში­რე­ბით, და ეჭვი რომ არ გა­ჩე­ნი­ლი­ყო ჩვენს აზ­რთა გაც­ვლა­ში, მო­ვი­თხო­ვე პა­რა­ლე­ლუ­რი და­კი­თხვა! რა­ზეც მი­ვი­ღე უარი!

თქვენ, თუნ­დაც ამ პოს­ტით, და­უს­ჯე­ლო­ბის სინ­დრომს აძ­ლი­ე­რებთ არას­რულ­წლოვ­ნებ­ში! თქვენ გი­გებს აკ­ვლე­ვი­ნებთ გა­ბაშ­ვი­ლებს, რი­კა­ძე­ებს, იმ­ნა­ძე­ებს, ნას­ყი­დაშ­ვი­ლებს, ჩი­ქო­ვა­ნებს.... და ეს არის სირ­ცხვი­ლი! გიგა ავა­ლი­ა­ნი მო­უკ­ლეს სა­ქარ­თვე­ლოს! Giga Avaliani ჩემი შვი­ლი მი­წა­შია და გლო­ვის დრო­საც არ მაძ­ლევთ!!!" - წერს ეკა კუ­პა­ტა­ძე.