აშშ-ის სახელმწიფო მდივნის მარკო რუბიოს განცხადებით, ამერიკას არც ისე ბევრი სანქცია დარჩა, რომლის ამოქმედებაც რუსეთის წინააღმდეგაა შესაძლებელი.
„აღარ დაგვრჩა ბევრი სანქცია ჩვენი მხრიდან. ჩვენ დავასანქცირეთ ძირითადი სანავთობო კომპანიები, რასაც ყველა ითხოვდა. თვალნათელია, რომ ეს უნდა შესრულდეს. გავა დრო და ამას [რუსეთი] იგრძნობს. არ ვიცი, კიდევ რის გაკეთება შეიძლება“, - განუცხადა რუბიომ ჟურნალისტებს.
ჟურნალისტებმა აგრეთვე რუბიოს რუსეთის ე.წ. ჩრდილოვანი ფლოტის დასანქცირებაზეც ჰკითხეს.
„არსებობს რაღაცები, რის გაკეთებაც ევროპელებსაც შეუძლიათ, ვინაიდან „ჩრდილოვან ფლოტთან“ დაკავშირებული ამბები მათთან ახლოს ხდება“, - დასძინა მან.