საზოგადოებრივი ჯანმრთელობის ინსტიტუტის თავმჯდომარე და საერთაშორისო ჯანდაცვის აღიარებული ექსპერტი, პროფესორი გიორგი ფხაკაძე მუნის მკურნალობის პროტოკოლს აქვეყნებს.

„იმედია, ეს პატარა ინსტრუქცია დაეხმარება არაერთ ადამიანს“ - ამბობს პროფესორი და რჩევებს აქვეყნებს:

„მუნი (Scabies) – მკურნალობის ოფიციალური რეკომენდაცია CDC-დან

მუნი არ არის „სიბინძურე“. ეს არის კანის ინფექცია პარაზიტით (ტკიპა), რომელიც ვრცელდება კონტაქტით – კანის შეხებით, ტანსაცმლით, თეთრეულით, პირსახოცით.

CDC-ის რეკომენდაციები მკურნალობაზე:

✔ პირველი ხაზი – სპეციალური კრემი/ლოსიონი (რეცეპტის მიხედვით ექიმისგან)

✔ ზოგ შემთხვევაში საჭიროა პერორალური პრეპარატი (იშოვება მხოლოდ რეცეპტით)

✔ მკურნალობა მეორდება 7–14 დღეში (დამოკიდებულია პროტოკოლზე)

❗ ყველა ოჯახის წევრი ერთდროულად უნდა განიკურნოს, თუნდაც სიმპტომები არ ჰქონდეს.

სახლში აუცილებელია:

ტანსაცმლის, თეთრეულის, პირსახოცების რეცხვა 60°C-ზე

ის, რაც ვერ ირეცხება – დახურული პაკეტით 72 საათით

ფუმიგაცია არ არის საჭირო

მთავარი სიმპტომია შემაწუხებელი ქავილი ღამით + წვრილი წითელი გამონაყარი თითებს შორის, მაჯებზე, წელზე, შორის ნაწილში.

თუ ეჭვი გაქვს — ექიმს მიმართე, თვითმკურნალობა მიუღებელია,“ - დაწერა გიორგი ფხაკაძემ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე