საქართველოში წარმოდგენილი აგენტურის მიზანი ქვეყნის დაზიანებაა, - განაცხადა მედიასთან „ხალხის ძალის“ საერთაშორისო ურთიერთობების მდივანმა ეკა სეფაშვილმა რადიკალური ოპოზიციის მიერ საქართველოსთვის ვიზალიბერალიზაციის შეჩერების მცდელობის შესახებ თემაზე კომენტირებისას.

მისი თქმით, ყველამ კარგად იცის, რომ რადიკალური ოპოზიცია ბრიუსელსა თუ სხვა დედაქალაქებში საქართველოსთვის ვიზალიბერალიზაციის შესაჩერებლად დარბის.

„რადიკალების მიერ ქვეყნის ევროპული მომავლის საწინააღმდეგოდ განხორციელებულ ქმედებებში ჩანს ორი მიდგომა: ჯერ დარბიან ბრიუსელსა თუ სხვა დედაქალაქებში და ითხოვენ საქართველოს ევროინტეგრაციის შეფერხებას და როცა ეს არ გამოსდით, ცვლიან თავიანთ ნათქვამს და აცხადებენ, იმიტომ დავრბოდით, საქართველოსთვის ხელი უნდა შეგვეწყოო. სინამდვილეში, ყველამ კარგად იცის, რომ ისინი სწორედ ჩვენი ევროპული ინტეგრაციის შესაფერხებლად დარბიან“, - აღნიშნა ეკა სეფაშვილმა.