არ გამოვიდა სწრაფი გამარჯვება, არაუშავს - მივიღოთ ფსიქოლოგიურად. ნიჰილიზმი კი არ მივიღოთ, მივიღოთ შესაძლებლობად ბრძოლის გაგრძელების, - განაცხადა „ნაციონალური მოძრაობის“ წევრმა, მურთაზ ზოდელავამ.
„ეს ფსიქოლოგიაა, ეს ფსიქოლოგიური ბრძოლაა. მესმის, გასაგებია, ვცადეთ იქ, არ გამოვიდა, მაგრამ ბრძოლა გრძელდება. თუ ამას ფსიქოლოგიურად ერი იღებს, შესაძლებელია სწრაფი გამარჯვებაც იყოს რამდენიმედღიანი შერკინება, სადაც ჩვენ დავდგებით“, - აღნიშნა მურთაზ ზოდელავამ.
ჟურნალისტის კითხვაზე, იყო თუ არა მათი ხალხი, ვინც პრეზიდენტის სასახლის ჯებირის დემონტაჟი მოახერხა, ზოდელავამ განაცხადა: „მე პირადად ვცადე, ირაკლი ნადირაძემ და ვინც იმ მომენტში იქ ვიყავით, ვისაც გვქონდა შესაძლებლობა, რომ პირადი მაგალითი მიგვეცა, ჩვენ მივეცით პირადი მაგალითი“.
რადიკალური ოპოზიციის მხარდამჭერები პრეზიდენტის სასახლის ეზოში შეიჭრნენ. მათ ჯებირები დააზიანეს და ეზოში შეღწევა შეძლეს, თუმცა, მათ სამართალდამცველებმა ეზო მალევე დაატოვებინეს.