საქართველოს პარლამენტის პირველმა ვიცე სპიკერმა გიორგი ვოლსკიმ ადგილობრივი თვითმმართველობის არჩევნებში საკუთარი არჩევანი ჩუღურეთის ოლქში, მესამე საარჩევნო უბანზე დააფიქსირა. მისი განცხადებით, არსებულ ტურბულენტურ გარემოში საქართველოს სამშვიდობოს გაყვანა სჭირდება და გადაწყვეტილებაც აქედან გამომდინარე უნდა იყოს მიღებული.

„საკმაოდ სერიოზული გადაწყვეტილების წინაშე დგას დღეს მთელი საქართველო - საით წავა ჩვენი ქვეყანა, როგორი იქნება მისი ხვალინდელი დღე, რამდენად შევძლებთ, ამ ტურბულენტურ გარემოში და არეულ მსოფლიოში, ომების შუაგულში შევინარჩუნოთ სტაბილურობა. არჩევანიც სწორედ აქედან გამომდინარე გავაკეთე მეც და ვფიქრობ, ძალიან ბევრი ხალხი სწორედ ამით ხელმძღვანელობს. გარდა ამისა, ტენდენციები ძალიან პოზიტიურია, რასაც ყველა საერთაშორისო ავტორიტეტული ორგანიზაცია ადასტურებს. აქედან გამომდინარე, ამ ჩვენს პატარა ქვეყანას გადარჩენა სჭირდება, სამშვიდობოს გაყვანა სჭირდება და გადაწყვეტილება აქედან გამომდინარე უნდა იყოს მიღებული", - განაცხადა გიორგი ვოლსკიმ.