პარლამენტის საპროცედურო საკითხთა კომიტეტის თავმჯდომარე, დავით მათიკაშვილი, თავდაცვის ყოფილი მინისტრის, ჯუანშერ ბურჭულაძის დაკავებას გამოეხმაურა.
მათიკაშვილის თქმით, ნებისმიერ ადამიანი, ვინც დანაშაულს ჩაიდენს, სამართლიანადვე აგებს პასუხს.
"მაშინ, როდესაც ჩვენი ქვეყანა საგარეო გამოწვევებს ებრძოდა და იყო უკიდურესად მნიშვნელოვანი საკითხები ჩვენი ქვეყნისთვის, ამასობაში ყოფილი თავდაცვის მინისტრი, სახელმწიფოს ხარჯზე საკუთარი კეთილდღეობის მოწყობას ცდილობდა.
სახეზეა ის ბრალდება, რომელიც პროკურატურამ მას წაუყენა. ნებისმიერი პირი, ვინც არ უნდა იყოს ის, რა თანამდებობასაც არ უნდა იკავებდეს, თუ მას ხელი წაუცდება, თუ ჩაიდენს დანაშაულს, მით უმეტეს, იქნება ასეთი მძიმე, ნებისმიერ შემთხვევაში, დანაშაულის ჩამდენს მოუწევს პასუხისგება, ვინც არ უნდა იყოს ის", - განაცხადა დავით მათიკაშვილმა.