მეორე მსოფლიო ომის შემდგომი გერმანიის ისტორიაში პირველად, ბუნდესტაგში ახალი კანცლერი პირველივე მცდელობით ვერ აირჩიეს. ფრიდრიხ მერცს 6 ხმა დააკლდა, თუმცა, რამდენიმე საათში გამართული მეორე კენჭისყრის შემდეგ მან მაინც შეძლო ხმების სასურველი რაოდენობის მიღება. თუმცა, პირველი ტურის შედეგებს დიდი იმედგაცრუება და დაბნეულობა მოჰყვა. ახალ მმართველ კოალიციაში იმის გამორკვევა დაიწყეს, თუ ვინ არ მისცა მერცს ხმა კენჭისყრისას. ანალიტიკოსები მმართველი კოალიციის სიმყოფეზე ალაპარაკდნენ. თუმცა, ამ ყველაფერს წერტილი დაუსვა რამდენიმე საათში გამართულმა მეორე ტურმა, რომელიც მერცმა უკვე მარტივად მოიგო.